ചൂണ്ട പാർക്കിൽ 
തെരുവുവിളക്കുകള്‍ കണ്ണടച്ചു

മട്ടാഞ്ചേരി

കൊച്ചി നഗരസഭ ഒന്നാംഡിവിഷനിൽ ഫോര്‍ട്ട് കൊച്ചി റോ റോ ജെട്ടിക്കുസമീപത്തെ ചൂണ്ട പാര്‍ക്കിലെയും റോ റോ ജെട്ടിയിലെയും തെരുവുവിളക്കുകള്‍ കണ്ണടച്ചിട്ട് ദിവസങ്ങള്‍ പിന്നിട്ടു. വിഷയത്തില്‍ കെഎസ്ഇബിയും സിഎസ്എംഎല്ലും പരസ്പരം പഴിചാരി രക്ഷപ്പെടുന്ന സാഹചര്യമാണ്. കെഎസ്ഇബി അധികൃതരോട് പരാതിപ്പെടുമ്പോള്‍ സിഎസ്എംഎല്ലാണ്‌ ചെയ്യേണ്ടതെന്നാണ് പറയുന്നത്. പൂർത്തിയാക്കി നഗരസഭയ്ക്ക് കൈമാറിയെന്നാണ്‌ സിഎസ്‌എംഎല്ലിന്റെ വാദം. ഈ ഭാഗങ്ങളിൽ വെളിച്ചമില്ലാത്തതിനാല്‍ സാമൂഹ്യവിരുദ്ധര്‍ കൈയടക്കുകയാണെന്ന് പരാതിയുണ്ട്. ലഹരിക്കച്ചവടം ഉള്‍പ്പെടെ നടക്കുന്നതായി ആക്ഷേപമുണ്ട്.