കുറുമശേരി ഗവ. യുപി സ്കൂളിന് ബസ് അനുവദിച്ചു

നെടുമ്പാശേരി

പാറക്കടവ് പഞ്ചായത്തിലെ കുറുമശേരി ഗവ. യുപി സ്കൂളിന് അനുവദിച്ച ബസ് റോജി എം ജോണ്‍ എംഎല്‍എ ഉദ്ഘാടനം ചെയ്തു. പാറക്കടവ് പഞ്ചായത്ത് പ്രസിഡന്റ്​ എസ് വി ജയദേവന്‍ അധ്യക്ഷനായി. പാറക്കടവ് ബ്ലോക്ക് പഞ്ചായത്ത് പ്രസിഡന്റ്​ ടി വി പ്രദീഷ്, ജില്ലാപഞ്ചായത്ത് സ്ഥിരംസമിതി അധ്യക്ഷൻ എം ജെ ജോമി, പഞ്ചായത്ത് വൈസ് പ്രസിഡന്റ്​ ഡെയ്സി ടോമി, വാര്‍ഡ് അംഗം പി പി ജോയി, ജില്ലാ ലൈബ്രറി കൗൺസിൽ കമ്മിറ്റി അംഗം എം ആർ സുരേന്ദ്രൻ, പ്രധാനാധ്യാപിക കെ കെ ഷീബ, ആര്‍ സി നായര്‍, എം എസ് ശിവദാസന്‍ എന്നിവര്‍ സംസാരിച്ചു. എംഎല്‍എയുടെ പ്രത്യേക വികസനഫണ്ടില്‍നിന്നുള്ള​ 19.29 ലക്ഷം രൂപ ചെലവിലാണ് സ്കൂളിന് ബസ് ലഭിച്ചത്.