പുതുതായി ടാര്‍ചെയ്ത റോഡ് കുത്തിപ്പൊളിച്ചതായി പരാതി

മട്ടാഞ്ചേരി

പുതിയതായി ടാര്‍ചെയ്ത റോഡ് രണ്ടുമാസം തികയുംമുമ്പ് കുത്തിപ്പൊളിച്ചതായി പരാതി. നഗരസഭ പനയപ്പിള്ളി ഡിവിഷനില്‍ ശാന്തിനഗര്‍ കോളനിയിലെ റോഡാണ് കുടിവെള്ളപൈപ്പ് നന്നാക്കുന്നതിന്റെ പേരില്‍ കുത്തിപ്പൊളിച്ചതായി പരാതി ഉയര്‍ന്നത്. ആഴത്തിലാണ് റോഡ് പൊളിച്ചിട്ടുള്ളത്.

കൗണ്‍സിലറുടെ അനുമതിയോടെയാണ് റോഡ് പൊളിച്ചതെന്ന് കരാറുകാരന്‍ വ്യക്തമാക്കി. 2025–26 വര്‍ഷത്തെ പ്ലാന്‍ ഫണ്ട് വിനിയോഗിച്ചാണ് റോഡ് നന്നാക്കിയത്.

റോഡ് പൊളിച്ച നടപടിക്കെതിരെ പരാതി നല്‍കിയതായി മുന്‍ കൗണ്‍സിലര്‍ സനില്‍മോന്‍ പറഞ്ഞു.​