കെ കെ ഗംഗാധരനെ അനുസ്മരിച്ചു

കളമശേരി

സ്വാതന്ത്ര്യ സമരസേനാനിയും ഏലൂരിലെ ആദ്യകാല കമ്യൂണിസ്റ്റ് നേതാവുമായിരുന്ന കെ കെ ഗംഗാധരന്റെ 17–-ാം ചരമവാർഷിക ദിനം ആചരിച്ചു. ഏലൂർ കിഴക്കുംഭാഗത്ത് നടന്ന അനുസ്മരണം സിപിഐ എം കേന്ദ്ര കമ്മിറ്റിയംഗം പി രാജീവ് ഉദ്ഘാടനം ചെയ്തു.

ലോക്കൽ കമ്മിറ്റിയംഗം അമൽദേവ് അധ്യക്ഷനായി. സിപിഐ എം ഏരിയ സെക്രട്ടറി കെ ബി വർഗീസ്, ജില്ലാ കമ്മിറ്റിയംഗം എ ആർ രഞ്ജിത്ത്, നഗരസഭ ചെയർപേഴ്സൺ ലൈജി സജീവൻ, ഏരിയ കമ്മിറ്റി അംഗം എ ഡി സുജിൽ, പി എ ഷിബു, കെ ബി സുലൈമാൻ, കെ ആർ മാധവൻകുട്ടി എന്നിവർ സംസാരിച്ചു.