തപാൽ ജീവനക്കാർ പ്രതിഷേധിച്ചു

എൻഎഫ്പിഇയുടെ നേതൃത്വത്തിൽ ആലുവ പോസ്റ്റൽ ഡിവിഷൻ ഓഫീസിന് മുന്നിൽ പ്രതിഷേധ മാർച്ചും ധർണയും നടത്തി.
ആലുവ
എൻഎഫ്പിഇയുടെ നേതൃത്വത്തിൽ ആലുവ പോസ്റ്റൽ ഡിവിഷൻ ഓഫീസിന് മുന്നിൽ പ്രതിഷേധ മാർച്ചും ധർണയും നടത്തി.
ആലുവ തപാൽ ഡിവിഷനിലെ പോസ്റ്റോഫീസുകളിൽ മെയിൽ എത്താൻ വൈകുന്നതിന് അടിയന്തര പരിഹാരം കാണുക, ആലുവ ഡെലിവറി സെന്ററിലേക്ക് എൻഎസ്എച്ചിൽ നിന്നും കൊച്ചി സോർട്ടിങ് സെന്ററിൽനിന്നും കത്തുകൾ സോർട്ട് ചെയ്ത് അയയ്ക്കുക, ഹെഡ് പോസ്റ്റോഫീസുകൾ ലയിപ്പിക്കാനുള്ള തീരുമാനം പിൻവലിക്കുക, ബീറ്റ് മെക്കനൈസേഷൻ നടപ്പിലാക്കി ബ്രാഞ്ച് പോസ്റ്റോഫീസുകൾ അടച്ചുപൂട്ടാനുള്ള നീക്കം ഉപേക്ഷിക്കുക, ഗ്രാമീൺ ഡാക്ക് സേവക് ജീവനക്കാർക്ക് ജോലി ഭാരത്തിനനുസരിച്ച് അലവൻസ് വർധിപ്പിക്കുക എന്നീ ആവശ്യങ്ങൾ ഉന്നയിച്ചാണ് മാർച്ചും ധർണയും നടത്തിയത്.
പി 3 യൂണിയൻ സർക്കിൾ അസിസ്റ്റന്റ് സെക്രട്ടറി വി ആർ അനൂപ് ഉദ്ഘാടനം ചെയ്തു. എൻഎഫ്പിഇ ആലുവ ഡിവിഷൻ ചെയർമാൻ വി പി ശങ്കരനാരായണൻ അധ്യക്ഷനായി. കൺവീനർ കെ പി അശോക് കുമാർ, വിവിധ യൂണിയൻ ഭാരവാഹികളായ എൻ പി ലാലൻ, കെ പി പ്രമീള, എം ഫെമിൻ മാത്യു, കെ എസ് സലീഷ്, ടി സി അനൂപ് എന്നിവർ സംസാരിച്ചു.








0 comments