പികെഎസ് സംഘടിപ്പിച്ച ഒരുമയുടെ പൂരം ആവേശമായി

പികെഎസ് പുത്തൻവേലിക്കര വില്ലേജ് കമ്മിറ്റി ഒരുക്കിയ ‘ഒരുമയുടെ പൂരം 2026’ ജില്ലാ സെക്രട്ടറി കെ കെ സുരേഷ്ബാബു ഉദ്ഘാടനം ചെയ്യുന്നു
പറവൂർ
പതിനഞ്ചാം വാർഷികാഘോഷങ്ങളുടെ ഭാഗമായി പട്ടികജാതി ക്ഷേമസമിതി പുത്തൻവേലിക്കര വില്ലേജ് കമ്മിറ്റി ഒരുക്കിയ "ഒരുമയുടെ പൂരം 2026' ആവേശകരമായി. അനുമോദനസമ്മേളനം പികെഎസ് ജില്ലാ സെക്രട്ടറി കെ കെ സുരേഷ് ബാബു ഉദ്ഘാടനം ചെയ്തു. വില്ലേജ് പ്രസിഡന്റ് പി എ അജീസ് അധ്യക്ഷനായി. സംസ്ഥാന ജോയിന്റ് സെക്രട്ടറി പി ഒ സുരേന്ദ്രൻ മുഖ്യപ്രഭാഷണം നടത്തി. സിപിഐ എം ഏരിയ സെക്രട്ടറി ടി വി നിധിൻ, ജില്ലാ കമ്മിറ്റി അംഗം പി എസ് ഷൈല, എം കെ സുരേന്ദ്രൻ, പി വി അജിത്കുമാർ, എം എം കരുണാകരൻ, സി എ സജീവ്, വി ടി സലീഷ് എന്നിവർ സംസാരിച്ചു. വിദ്യാഭ്യാസ, കലാ, കായിക, സാംസ്കാരികരംഗങ്ങളിലെ പ്രതിഭകളെ അനുമോദിച്ചു. വിനോദ് നെല്ലായി, സുജീഷ് വെള്ളാനി, ശ്രീകുമാർ പൂപ്പത്തി, സ്മിത്ത് ശ്രേഷ്ഠ എന്നിവരുടെ ഓണക്കളിപ്പാട്ടും വനിതകളുടെ കൈകൊട്ടിക്കളിയും നടന്നു.








0 comments