ഭിന്നശേഷികുട്ടികൾക്കായി
നാവികസേന പ്രദർശനം നടത്തി

കൊച്ചി

നാവികദിനാഘോഷങ്ങളുടെ ഭാഗമായി ഭിന്നശേഷി കുട്ടികൾക്കായി പ്രദർശനമൊരുക്കി ദക്ഷിണ നാവിക കമാൻഡ്.

ഐഎൻഎസ് ശാർദൂൾ കപ്പലും നേവൽ ഇൻസ്റ്റിറ്റ്യൂട്ട് ഓഫ് എയ്റോനോട്ടിക്കൽ ടെക്നോളജിയും (എൻഐഎടി) വിദ്യാർഥികൾ സന്ദർശിച്ചു.

വിവിധ സ്കൂളുകളിൽനിന്ന്‌ 200-ലധികം കുട്ടികളും അധ്യാപകരും പങ്കെടുത്തു. കപ്പലിൽ ഗൈഡ് ടൂർ, ആയുധപ്രദർശനം, വിവിധ നേവൽ ട്രെയ്‌നിങ്‌ ഉപകരണങ്ങളുടെ പ്രദർശനം എന്നിവ ഒരുക്കിയിരുന്നു.