കെഎംഎസ്‌ആർഎ വിളംബരജാഥ നടത്തി

കൊച്ചി

കേരള മെഡിക്കൽ ആൻഡ്‌ സെയിൽസ്‌ റെപ്രസന്റേറ്റീവ്‌സ്‌ അസോസിയേഷൻ (സിഐടിയു) സംസ്ഥാന സമ്മേളനത്തിന്റെ ഭാഗമായി നഗരത്തിൽ വിളംബരജാഥ സംഘടിപ്പിച്ചു. ജനറൽ സെക്രട്ടറി പി കെ സന്തോഷ്‌ ഫ്ലാഗ്‌ ഓഫ്‌ ചെയ്തു.

കച്ചേരിപ്പടിയിൽനിന്ന്‌ ആരംഭിച്ച ജാഥ ട‍ൗൺഹാളിനുമുന്നിൽ സമാപിച്ചു. എ വി പ്രദീപ്‌കുമാർ, ജനറൽ കൺവീനർ ആർ രാമകൃഷ്ണൻ, അനീഷ്‌ വർഗീസ്‌, പ്രിൻസി മെന്റിസ്‌, സി വിജേഷ്‌, പ്രദീപ്‌ ദാമോദരൻ എന്നിവർ സംസാരിച്ചു. എറണാകുളം ടൗൺഹാളിൽ ശനി രാവിലെ 10ന്‌ സിഐടിയു അഖിലേന്ത്യാ സെക്രട്ടറി കെ എൻ ഗോപിനാഥ് സമ്മേളനം ഉദ്ഘാടനംചെയ്യും. ഞായറാഴ്ച സമാപിക്കും.