കളമശേരി കാർഷികോത്സവം ; യുവകർഷകരും 
ഹൈടെക് കർഷകരും ഒത്തുചേർന്നു

കളമശേരി

ചാക്കോളാസ്‌ പവിലിയനിൽ 26 മുതൽ നടക്കുന്ന കളമശേരി കാർഷികോത്സവത്തിന്റെ ഭാഗമായി നീറിക്കാേട് സഹകരണ ബാങ്ക് ഹാളിൽ യുവകർഷകരുടെയും ഹൈടെക് കർഷകരുടെയും സംഗമം മുൻ മന്ത്രി വി എസ് സുനിൽകുമാർ ഉദ്ഘാടനം ചെയ്തു.

മണ്ഡലത്തിലെ സമഗ്ര കാർഷിക വികസനം ലക്ഷ്യമിട്ട് വ്യവസായമന്ത്രി പി രാജീവ് നടപ്പാക്കിയ ‘കൃഷിക്ക് ഒപ്പം കളമശേരി 'യുടെ ഭാഗമായാണ് കാർഷികോത്സവം.

​സംഗമത്തിന്റെ ഭാഗമായി വെറൈറ്റി ഫാർമർ പി എസ് സുജിത്, എം എസ് നാസർ എന്നിവർ ക്ലാസെടുത്തു. ജനറൽ കൺവീനർ എം പി വിജയൻ ചർച്ച ക്രോഡീകരിച്ചു.

​ ആലങ്ങാട് പഞ്ചായത്ത് പ്രസിഡന്റ് പി എം മനാഫ് അധ്യക്ഷനായി. നീറിക്കോട് സഹകരണ ബാങ്ക് പ്രസിഡന്റ് എം കെ ബാബു, സംഘാടകസമിതി ചെയർമാൻ വി എം ശശി, സബ് കമ്മിറ്റി ചെയർമാൻ എ വി ശ്രീകുമാർ, ടി എൻ നിഷിൽ, ജോർജ് മേനാച്ചേരി, ലത പുരുഷൻ, ടി കെ ജയകൃഷ്ണൻ തുടങ്ങിയവർ സംസാരിച്ചു.