കുസാറ്റിൽ ഇന്റേൺഷിപ് 
പ്രോഗ്രാം ആരംഭിച്ചു

കളമശേരി

കുസാറ്റ്‌ കെമിക്കൽ ഓഷ്യാനോഗ്രഫി വകുപ്പിന്റെ നേതൃത്വത്തിൽ സയന്റിഫിക് മെതേഡ്സ് ആൻഡ് റിസർച്ച് ട്രെയിനിങ് സയൻസ് ഇന്റേൺഷിപ് പ്രോഗ്രാം രജിസ്ട്രാർ ഡോ. എ യു അരുൺ ഉദ്‌ഘാടനം ചെയ്തു. ഇന്ത്യയിലെ വിവിധ കോളേജുകളിലെ നാലുവർഷ ബിരുദ വിദ്യാർഥികൾക്കാണ് ഇന്റേൺഷിപ് ഒരിക്കിയത്. ​

സ്കൂൾ ഓഫ് മറൈൻ സയൻസസ് ഡയറക്ടർ ഡോ. കെ യു സതീശൻ, ഡോ. കെ ഹബീബ് റഹ്‌മാൻ, ഡോ. എൻ ചന്ദ്രമോഹനകുമാർ, ഡോ. എ എസ് രാഗി, ഡോ. ജോർഫിൻ ജോസഫ് എന്നിവർ സംസാരിച്ചു. സമുദ്രശാസ്ത്ര അടിസ്ഥാന അറിവുകളും കിഫ്ബി സഹായത്തോടുകൂടി വാങ്ങിയ സങ്കീർണമായ ഉപകരണങ്ങളിൽ പ്രായോഗിക പരിശീലനവും വിദ്യാർഥികൾക്ക് നൽകുകയാണ് ലക്ഷ്യം. പ്രോഗ്രാം മെയ് എട്ടിന് സമാപിക്കും.