മഴയിൽ സംരക്ഷണഭിത്തി തകർന്നു

മൂവാറ്റുപുഴ

ആവോലിയിൽ ശക്തമായ മഴയിൽ വീടിന്റെ മുറ്റവും സംരക്ഷണഭിത്തിയും തകർന്നു. ആവോലി പഞ്ചായത്ത്‌ എട്ടാം വാർഡിൽ കാവന തണ്ടുംപുറത്ത് ജെയിംസിന്റെ വീട്ടിലാണ്‌ സംഭവം.

വീടിന്‌ നാശമുണ്ടാകുമോയെന്ന ഭീതിയിലാണ്‌ കുടുംബം. സമീപത്തെ ചിറക്കൽ ഷാൻസിയുടെ വീടിനോടുചേർന്നാണ് മണ്ണും കല്ലും ഒഴുകിവീണത്‌. ജെയിംസിന്റെ വീടും മറ്റ്‌ രണ്ടുവീടുകളും അപകടഭീഷണിയിലാണ്.