നേത്രദാനപക്ഷാചരണം സമാപിച്ചു

അങ്കമാലി

ലിറ്റിൽ ഫ്ലവർ ആശുപത്രിയും ഐ ബാങ്ക് അസോസിയേഷൻ കേരളയും ചേർന്ന്‌ സംഘടിപ്പിച്ച 41–-ാമത് ദേശീയ നേത്രദാന പക്ഷാചരണം സമാപിച്ചു. സമ്മേളനം സംവിധായകൻ ജൂഡ് ആന്റണി ജോസഫ് ഉദ്ഘാടനം ചെയ്തു. എൽഎഫ് ആശുപത്രിയിലെ ഐ ബാങ്ക് അസോസിയേഷൻ കേരള കഴിഞ്ഞ ഒരുവർഷം മാത്രം നേത്രദാനത്തിലൂടെ 1600-ലധികംപേർക്ക്‌ കാഴ്ച തിരിച്ചുനൽകിയെന്ന്‌ അസോസിയേഷൻ ജനറൽ സെക്രട്ടറി ഫാ. വർഗീസ് പൊന്തേമ്പിള്ളി പറഞ്ഞു.

ഏഴുപേർക്ക് ജീവനും വെളിച്ചവും നൽകിയ അവയവദാതാവ് ജുവിൻ രാജുവിന്റെ കുടുംബത്തെ ആദരിച്ചു.

​ഐ ബാങ്ക് അസോസിയേഷൻ കേരള മെഡിക്കൽ ഡയറക്ടർ ഡോ. അനീറ്റ ജബ്ബാർ, സബ് ഇൻസ്പെക്ടർ എൻ എം സലിം, ഐ ബാങ്ക് അസോസിയേഷൻ കേരള വൈസ് പ്രസിഡന്റ് ഡോ. സി വി ആൻഡ്രൂസ്, കൺവീനർ പി എഫ് ജോയ്, നേത്രബാങ്ക് വളന്റിയർ ജെസ്റ്റോ പോൾ, ഐ ബാങ്ക് മാനേജർ സിജോ ജോസ്, ജയേഷ് സി പാറക്കൽ, ഫ്രാൻസിസ് ആന്റണി എന്നിവർ സംസാരിച്ചു.

നേത്രദാനത്തിന് നേതൃത്വം നൽകിയ ഇരുനൂറോളം സന്നദ്ധപ്രവർത്തകരെയും സ്ഥാപനങ്ങളെയും അനുമോദിച്ചു. ലിംസാർ ഒപ്റ്റോമെട്രി വിദ്യാർഥികൾ അവതരിപ്പിച്ച നേത്രദാന സന്ദേശമുയർത്തിയ ഫ്ലാഷ്‌മോബും വിവിധ കലാപരിപാടികളും ഉണ്ടായി.