7.5 കോടിയുടെ 
ലഹരിമരുന്ന്‌ നശിപ്പിച്ചു

കൊച്ചി

വിവിധ കേസുകളിൽ പിടികൂടിയ 7.5 കോടിയുടെ ലഹരിമരുന്ന്‌ കൊച്ചി സിറ്റി പൊലീസ്‌ നശിപ്പിച്ചു. ബുധൻ രാവിലെ ബ്രഹ്‌മപുരം മാലിന്യപ്ലാന്റിലാണ്‌ സിറ്റി പൊലീസ്‌ കമീഷണർ എസ്‌ കാളിരാജ്‌ മഹേഷ്‌കുമാറിന്റെ നേതൃത്വത്തിൽ നശിപ്പിച്ചത്‌.

ഇതിൽ 587 കിലോ കഞ്ചാവ്‌, 2.46 കിലോ എംഡിഎംഎ എന്നിവ ഉൾപ്പെടുന്നു. 143 ഗ്രാം നൈട്രോസെപാം ഗുളികകളും ഒരുകിലോ ഹാഷിഷ്‌ ഓയിലും 77 ഗ്രാം ബ്ര‍ൗൺ ഷുഗറും നശിപ്പിച്ചു. ഡിസിപി അശ്വതി ജിജി, നാർകോട്ടിക്‌ സെൽ അസിസ്‌റ്റന്റ്‌ കമീഷണർ ടി ഡി സുനിൽ കുമാർ, സ്പെഷ്യൽ ബ്രാഞ്ച് എസിപി വി എസ്‌ പ്രശാന്ത് തുടങ്ങിയവരുടെ സാന്നിധ്യത്തിലാണ്‌ മയക്കുമരുന്ന്‌ നശിപ്പിച്ചത്‌.