സിപിഐ എം ജനകീയ പ്രതിരോധ പാഠശാല തുടങ്ങി

കൊച്ചി

സിപിഐ എം മുൻ ജനറൽ സെക്രട്ടറി സീതാറാം യെച്ചൂരിയുടെ അനുസ്മരണത്തോടനുബന്ധിച്ച് 12 വരെ ജില്ലയിലെ 500 കേന്ദ്രങ്ങളിൽ സംഘടിപ്പിക്കുന്ന ജനകീയ പ്രതിരോധ പാഠശാല തുടങ്ങി. ‘ബിജെപി സർക്കാരിന്റെ ഹിന്ദുത്വ -കോർപറേറ്റ് അജൻഡയും മാധ്യമ പ്രതിരോധവും’ വിഷയത്തിലാണ്‌ പാഠശാല. കോതമംഗലം തൃക്കാരിയൂർ തടത്തിക്കവലയിൽ ജില്ലാ സെക്രട്ടറി എസ് സതീഷ് ജില്ലാതല ഉദ്ഘാടനം ചെയ്‌തു. ഏരിയ കമ്മിറ്റി അംഗം കെ പി ജയകുമാർ അധ്യക്ഷനായി.

മറ്റ്‌ സ്ഥലങ്ങൾ, ഉദ്‌ഘാടകൻ, അധ്യക്ഷൻ ക്രമത്തിൽ.

കവളങ്ങാട് പുളിന്താനം: ഡിവൈഎഫ്ഐ ജില്ലാ സെക്രട്ടറി നിഖിൽ ബാബു, കെ സി പ്രദീപ്. തൃക്കാക്കര ചിറ്റേത്തുകര: ജില്ലാ സെക്രട്ടറിയറ്റ്‌ അംഗം കെ എൻ ഉണ്ണിക്കൃഷ്ണൻ, എൻ എം സുബൈർ. തൂപ്പൂണിത്തുറ തെക്കുംഭാഗം: ജില്ലാ സെക്രട്ടറിയറ്റ്‌ അംഗം സി ബി ദേവദർശനൻ, യു എ രാജേഷ്. ആലുവ ശ്രീമൂലനഗരം: സംസ്ഥാന കമ്മിറ്റി അംഗം എം അനിൽ കുമാർ, ധനേഷ് ചാക്കപ്പൻ.

കോലഞ്ചേരി: ജില്ലാ സെക്രട്ടറിയറ്റ്‌ അംഗം പി ആർ മുരളീധരൻ, എം എൻ അജിത്. പള്ളുരുത്തി കളത്ര: ജില്ലാ സെക്രട്ടറിയറ്റ്‌ അംഗം ടി സി ഷിബു, ജെ നിക്സൺ. എറണാകുളം കറുകപ്പിള്ളി: സംസ്ഥാന കമ്മിറ്റി അംഗം സി എം ദിനേശ്‌മണി, പി എം ഹാരിസ്. കൂത്താട്ടുകുളം മണീട്: ജില്ലാ സെക്രട്ടറിയറ്റ് അംഗം പുഷ്പ ദാസ്, ബിജു സൈമൺ. മൂവാറ്റുപുഴ മാനാറി: ജില്ലാ സെക്രട്ടറിയറ്റ് അംഗം ആർ അനിൽകുമാർ, അഫ്സൽ മുഹമ്മദ്.​