ഒരു മാസം, ഒഴിവാക്കിയത് 1171.92 ടൺ മാലിന്യം

കൊച്ചി

ഒരു മാസംകൊണ്ട്‌ ജില്ലയിൽനിന്ന്‌ ശേഖരിച്ചത്‌ 1171.92 ടൺ മാലിന്യം. ക്ലീൻ കേരള കന്പനിയുടെ കണക്കുപ്രകാരം മേയിൽ ജില്ലയിൽനിന്ന്‌ ശേഖരിച്ച റെക്കോഡ്‌ മാലിന്യമാണ്‌. ഇതിൽ ബാഗും ചെരിപ്പുമെല്ലാം ഉൾപ്പെടെ ശേഖരിച്ചത്‌ 1,15,810 കിലോയാണ്‌. ഗ്ലാസ് മാലിന്യം -27,313 കിലോയും ഇ–മാലിന്യം 90.15 കിലോയുമാണ്‌.

ജില്ലയിലെ 55 പഞ്ചായത്തുകളിൽനിന്നാണ്‌ ഇത്രയും മാലിന്യം ശേഖരിച്ചത്‌.2025–2026 സാന്പത്തികവർഷത്തിൽ ആകെ ശേഖരിച്ചത്‌ 9892 ടൺ മാലിന്യമാണെന്നും കണക്കുകൾ സൂചിപ്പിക്കുന്നു.