ബസ്‌ ഉടമകളും തൊഴിലാളികളും ധർണ നടത്തി

സ്വകാര്യ ബസ് മേഖലയെ സർക്കാർ സംരക്ഷിക്കണമെന്നാവശ്യപ്പെട്ട് ബസുടമകളും സംയുക്ത തൊഴിലാളി സംഘടനകളും നടത്തിയ ധർണ എൻ എം പിയേഴ്സൺ ഉദ്ഘാടനം ചെയ്യുന്നു

വെബ് ഡെസ്ക്

Published on Jul 16, 2026, 01:40 AM | 1 min read

പറവൂർ

സ്വകാര്യ ബസുകളെ സംരക്ഷിക്കുന്നതിനാവശ്യമായ നടപടി സർക്കാർ കൈക്കൊള്ളണമെന്നാവശ്യപ്പെട്ട് പറവൂർ -വൈപ്പിൻ മേഖലയിലെ ബസുടമകളുടെയും സംയുക്ത തൊഴിലാളി സംഘടനകളുടെയും നേതൃത്വത്തിൽ പറവൂർ മിനി സിവിൽ സ്റ്റേഷനുമുന്നിൽ പ്രതിഷേധ ധർണ നടത്തി. എൻ എം പിയേഴ്സൺ ഉദ്ഘാടനം ചെയ്തു. പി കെ ലെനിൻ അധ്യക്ഷനായി.

നഗരസഭ പ്രതിപക്ഷനേതാവ് സി എ രാജീവ്, ബസുടമ സംഘടനാ നേതാക്കളായ അയൂബ്ഖാൻ, കെ കെ ജോഷി, യൂണിയൻ നേതാക്കളായ കെ എ അജയകുമാർ, എം ജെ രാജു, കെ സി രാജീവ്, സരീഷ്, പറവൂർ ആന്റണി എന്നിവർ സംസാരിച്ചു.