‘സനാതനികളുടെ ഹിന്ദുത്വവഴികൾ’ പുസ്തകചർച്ച നടത്തി

പെരുമ്പാവൂർ

വളയൻചിറങ്ങര വി എൻ കേശവപിള്ള സ്മാരക വായനശാലയുടെ ആഭിമുഖ്യത്തിൽ വായനപക്ഷാചരണത്തിന്റെ ഭാഗമായി സിപിഐ എം സംസ്ഥാന കമ്മിറ്റി അംഗം പി ജയരാജൻ രചിച്ച ‘സനാതനികളുടെ ഹിന്ദുത്വവഴികൾ’ പുസ്തകാവതരണവും ചർച്ചയും നടത്തി.

വായനശാല പ്രസിഡന്റ്‌ എം എം മോഹനൻ അധ്യക്ഷനായി. കുന്നത്തുനാട് താലൂക്ക് കൗൺസിൽ അംഗം എം എസ് ഉവൈസ് പുസ്തക അവതരണം നടത്തി. പി ജയരാജൻ പുസ്തകരചനയുടെ വഴികളും ‘സാമൂഹ്യ സാംസ്‌കാരിക മേഖലകളിലെ ഇന്നിന്റെ പ്രശ്നങ്ങൾ’ വിഷയവും അവതരിപ്പിച്ചു. എൻ പി അജയകുമാർ, പി രാജൻ, ആശ രവി, കെ കോമളവല്ലി, ജി ആനന്ദകുമാർ എന്നിവർ സംസാരിച്ചു.