കേന്ദ്രീയ ഭവന് ബോംബ് ഭീഷണി: പ്രതി ചെന്നൈയിൽ പിടിയിൽ

കാക്കനാട് കേന്ദ്രീയ ഭവന് നേരെ വ്യാജ ബോംബ് ഭീഷണി മുഴക്കിയ കേസിൽ അറസ്റ്റിലായ തമിഴ്നാട് സ്വദേശി ശരത് സുബ്രഹ്മണ്യത്തെ കാക്കനാട് കോടതിയിൽ ഹാജരാക്കാനെത്തിച്ചപ്പോൾ
തൃക്കാക്കര
കാക്കനാട് കേന്ദ്രീയ ഭവനുനേരെ വ്യാജ ബോംബ് ഭീഷണി മുഴക്കിയ കേസിൽ തമിഴ്നാട് സ്വദേശി ശരത് സുബ്രഹ്മണ്യത്തെ (38) ഇൻഫോപാർക്ക് പൊലീസ് പിടികൂടി. ചെന്നൈ വിമാനത്താവളത്തിലെത്തിയ പ്രതിയെ തമിഴ്നാട് പൊലീസിന്റെ സഹായത്തോടെയാണ് കസ്റ്റഡിയിലെടുത്തത്.
തുടർന്ന് കൊച്ചിയിലെത്തിച്ച് കോടതിയിൽ ഹാജരാക്കി. കൂടുതൽ ചോദ്യംചെയ്യുന്നതിനായി പ്രതിയെ മൂന്നുദിവസത്തേക്ക് പൊലീസ് കസ്റ്റഡിയിൽ വിട്ടു. ഭാര്യയുമായുള്ള കുടുംബവഴക്കിനെ തുടർന്നാണ് കേന്ദ്രീയ ഭവനിലേക്ക് വ്യാജ ബോംബ് ഭീഷണി സന്ദേശം അയച്ചതെന്നാണ് പ്രതി പൊലീസിന് നൽകിയ മൊഴി. സംഭവത്തിൽ കൂടുതൽ അന്വേഷണം നടത്തുമെന്ന് പൊലീസ് വ്യക്തമാക്കി.








0 comments