Deshabhimani

പരാതി അന്വേഷിക്കാനെത്തിയ പൊലീസിനെ ആക്രമിച്ചു; യുവാവ്‌ പിടിയിൽ

Attacked the police

സജീവ്

വെബ് ഡെസ്ക്

Published on Nov 21, 2026, 02:46 AM | 1 min read

പള്ളുരുത്തി


നെട്ടൂരിൽ വീട്ടിൽ യുവതിയെയും കൈക്കുഞ്ഞിനെയും ഭീഷണിപ്പെടുത്തിയെന്ന പരാതി അന്വേഷിക്കാനെത്തിയ പൊലീസുകാരനെ ആക്രമിച്ച യുവാവിനെ പനങ്ങാട് പൊലീസ് അറസ്റ്റ് ചെയ്തു. കൊല്ലം മുളവന പടപ്പക്കര കുളഞ്ഞി പൊയ്ക മേലേതിൽ വി സജീവാണ്‌ (40) പിടിയിലായത്.


വ്യാഴം പകൽ 3.40 ഓടെയാണ് സംഭവം. നെട്ടൂർ ജൂബിലി റോഡിലെ നസീർ എന്നയാളുടെ ഫ്ലാറ്റിൽ താമസിക്കുന്ന യുവതിയാണ് പനങ്ങാട് പൊലീസ് സ്‌റ്റേഷനിലെ ഫോണിലേക്ക് വിളിച്ച് പരാതി അറിയിച്ചത്. യുവതിയും കൈക്കുഞ്ഞും മാത്രമാണ് വീട്ടിലുള്ളതെന്നും സമീപത്ത് താമസിക്കുന്ന സജീവ് ലഹരിയുടെ സ്വാധീനത്തിലെത്തി വീടിന്റെ വാതിൽ ശക്തമായി അടിച്ചുതകർക്കാൻ ശ്രമിക്കുന്നതായും കൊല്ലുമെന്ന് ഭീഷണിപ്പെടുത്തിയെന്നുമാണ്‌ പരാതി.


തുടർന്ന് സ്റ്റേഷനിൽനിന്ന് ഗ്രേഡ്‌ എസ്ഐ ഭരതൻ, സിപിഒ സൈജു, സിപിഒ പ്രശാന്ത്, കെ എസ് സുനിൽകുമാർ എന്നിവർ സ്ഥലത്തെത്തി. പരാതിക്കാരി ചൂണ്ടിക്കാണിച്ച സജീവിനോട് വിവരങ്ങൾ അന്വേഷിക്കുന്നതിനിടെ ഇയാൾ പൊലീസുകാരോട് തട്ടിക്കയറുകയും അസഭ്യം പറയുകയും ചെയ്തു. തുടർന്ന് പ്രതി എസ്ഐ ഭരതന്റെ കൈപിടിച്ച് തിരിക്കുകയും ബൈക്കിന്റെ താക്കോൽ ഉപയോഗിച്ച് വലതുകൈമുട്ടിന് താഴെ മുറിവേൽപ്പിക്കുകയും ചെയ്തു. ഭരതന്റെ വലതുകൈയിലെ തള്ളവിരലിന്റെ ലിഗ്‌മെന്റിന് പരിക്കേറ്റു. സജീവിനെ ബലപ്രയോഗത്തിലൂടെ കീഴടക്കി സ്റ്റേഷനിലെത്തിച്ചു. എസ്‌ഐ ഭരതൻ ആശുപത്രിയിൽ ചികിത്സതേടി. കോടതി സജീവിനെ റിമാൻഡ് ചെയ്തു.



deshabhimani section

Related News

View More
0 comments
Sort by

Deshabhimani
Home