സ്കൂളിലെ ഒഴിഞ്ഞ ജലസംഭരണിയിൽ 
മരപ്പട്ടിയെ കണ്ടെത്തി

മൂവാറ്റുപുഴ

​സ്കൂളിലെ ഉപയോഗയോഗ്യമല്ലാത്ത ജലസംഭരണിയിൽ മരപ്പട്ടിയെയും നാലു കുഞ്ഞുങ്ങളെയും കണ്ടെത്തി. കായനാട് ഗവ. എൽപി സ്കൂളിലാണ് മൂന്നുമാസം പ്രായമായ നാലു കുഞ്ഞുങ്ങളെയും മരപ്പട്ടിയെയും കണ്ടത്.

മരപ്പട്ടി ജലസംഭരണിയിലേക്ക്‌ പോകുന്നത് സ്കൂൾ ജീവനക്കാരിയാണ് കണ്ടത്. ഉടൻ വനംവകുപ്പ് അധികൃതരെ അറിയിക്കുകയായിരുന്നു. ​വനംവകുപ്പിന്റെ റെസ്ക്യൂ ഓഫീസർ സെവി പുവൻ എത്തി മരപ്പട്ടിയെ പിടിക്കുന്നതിനിടെ കുഞ്ഞുങ്ങളെ ഉപേക്ഷിച്ച് മരപ്പട്ടി ഓടിരക്ഷപ്പെട്ടു. പിടികൂടിയ കുഞ്ഞുങ്ങളെ കോതമംഗലം ആർആർടിക്ക്‌ കൈമാറുന്നതിന് കൊണ്ടുപോയി.