എഐ ചിത്രം ‘വാഗ്ദത്ത ഭൂമി’ റിലീസിന് ഒരുങ്ങുന്നു

കൊച്ചി

മലയാളത്തിലെ ആദ്യ സമ്പൂർണ എഐ (ആര്‍ട്ടിഫിഷ്യല്‍ ഇന്റലിജന്‍സ്) ചിത്രവും ഇന്ത്യയിലെ ആദ്യ ആർട്ട് ഹൗസ് എഐ സിനിമയുമായ ‘വാഗ്ദത്ത ഭൂമി’ തിയറ്റർ റിലീസിന് ഒരുങ്ങുന്നു. വാലപ്പൻ ക്രിയേഷൻസിന്റെ ബാനറിൽ ഒരുങ്ങുന്ന ചിത്രത്തിന്റെ ട്രെയിലർ ലോഞ്ച് കൊച്ചിയിൽ നടന്നു.

ഷാജു വാലപ്പൻ നിർമിച്ച ചിത്രത്തിന്റെ രചന, അനിമേഷൻ, സംവിധാനം എന്നിവ സിദ്ദിഖ്‌ പറവൂർ ആണ് നിര്‍വഹിച്ചത്. മണ്ണിനോടുള്ള കർഷകന്റെ ആത്മബന്ധവും ആധുനികകാലത്തെ യുവതലമുറയുടെ വിദേശ കുടിയേറ്റവും തമ്മിലുള്ള ആത്മസംഘർഷമാണ് ചിത്രത്തിന്റെ പ്രമേയം. ചടങ്ങിൽ ഷാജു വാലപ്പൻ, സിദ്ദിഖ് പറവൂർ, ഡോ. അനശ്വര, ജലീൽ ബാദുഷ, തേക്കിൻകാട് ജോസഫ്, ലിൻസി ഷാജു വാലപ്പൻ എന്നിവർ സംസാരിച്ചു.