എണ്ണയിൽ കരിയുന്നു
ബേക്കറി വ്യവസായം

നീലേശ്വരം

കൊതിയൂറും നേന്ത്രക്കായ ചിപ്‌സും അരിമുറുക്കും എന്തിന്‌ പഴംപൊരിയും ഉള്ളിവടയും സമൂസയും ഇനി കെെപൊള്ളാതെ കഴിക്കാനാവില്ല. വെളിച്ചെണ്ണയടക്കമുള്ള പാചക എണ്ണയുടെ വില ദിനംപ്രതി വർധിക്കുന്ന സാഹചര്യത്തിൽ പിടിച്ചുനിൽക്കാൻ പാടുപെടുകയാണ്‌ ബേക്കറി മേഖല. ബേക്കറികളിൽ ചിപ്സ് ഉൾപ്പെടെയുള്ള മിക്കവാറും ഉൽപ്പന്നങ്ങൾക്ക്‌ അധികവും വെളിച്ചെണ്ണയാണ് ഉപയോഗിക്കുന്നത്. എന്നാൽ ക്രമാതീതമായ വിലവർധന ബേക്കറി ഉടമകളുടെ നടുവൊടിച്ചു. ലിറ്ററിന് 220 മുതൽ 250 രൂപയുണ്ടായിരുന്ന വെളിച്ചെണ്ണയ്ക്ക് ഇപ്പോൾ പൊതുവിപണിയിൽ 400 മുതൽ - 420 വരെയാണ്. പിടിച്ചു നിൽക്കാൻ ബേക്കറി ഉൽപന്നങ്ങൾക്ക് വി​ലകൂ​ട്ടാ​തെ നി​വൃ​ത്തി​യി​ല്ലെ​ങ്കി​ലും കൂ​ട്ടി​യാ​ൽ വ്യാ​പാ​രം കു​റ​യു​മെ​ന്ന ആ​ശ​ങ്ക വ്യാ​പാ​രി​ക​ളെ സ​മ്മ​ർ​ദ​ത്തി​ലാ​ക്കു​ന്നു. 340 രൂപയുണ്ടായിരുന്ന വറുത്ത കായയ്ക്ക് 500 രൂപയായി. ഹൽവ വില 150ൽനിന്ന് 200 രൂപയായി. മിക്സർ, ഉണ്ണിയപ്പം,കൂന്തി, അച്ചപ്പം തുടങ്ങിയവയെല്ലാം വെളിച്ചെണ്ണയിലാണ് ഉണ്ടാക്കുന്നത്. കേന്ദ്ര സർക്കാറിന്റെ ഇരുട്ടടി ഭ​ക്ഷ്യ എ​ണ്ണ​ക​ളു​ടെ ഇ​റ​ക്കു​മ​തി തീ​രു​വ അഞ്ച് ശ​ത​മാ​ന​ത്തി​ൽ നി​ന്ന് 27.5 ശ​ത​മാ​ന​മാ​യി കേന്ദ്ര​സ​ർ​ക്കാ​ർ കൂ​ട്ടി​യി​രു​ന്നു. ഇ​തി​നുപി​ന്നാ​ലെ​യാ​ണ് എ​ണ്ണ വി​ല ഉ​യ​ർ​ന്ന​ത്. ആ​ഭ്യ​ന്ത​ര ഉൽപാ​ദ​ക​ർ​ക്ക് ഇ​റ​ക്കു​മ​തി തീ​രു​വ കൂ​ട്ടി​യ​ത് ഗു​ണ​മാ​ണെ​ങ്കി​ലും പാ​മോ​യി​ൽ ഉ​ൾ​പ്പെ​ടെ​യു​ള്ള ഭ​ക്ഷ്യ എ​ണ്ണ​ക​ൾ ഉ​പ​യോ​ഗി​ച്ച് പ​ല​ഹാ​ര​ങ്ങ​ൾ ത​യാ​റാ​ക്കു​ന്ന ബേ​ക്ക​റി​ ഉ​ട​മ​ക​ൾ​ക്ക് ഇ​ത് ഇ​രു​ട്ട​ടി​യാ​ണ്. മൈ​ദ, പ​ഞ്ച​സാ​ര, നെ​യ്യ് തു​ട​ങ്ങി എ​ല്ലാ​ത്തി​നും വി​ല കൂ​ടി​യി​ട്ടു​ണ്ട്.