കാറും ലോറിയും കൂട്ടിയിടിച്ചു; ഓയില്‍ റോഡിലേക്കൊഴുകി

കാഞ്ഞങ്ങാട് മഡിയനിൽ കാറും ലോറിയും കൂട്ടിയിടിച്ചു. അപകടത്തെ തുടർന്ന് കാറിൽ നിന്ന് ഓയിൽ റോഡിലേക്കൊഴുകി. ബുധനാഴ്ച വൈകിട്ടാണ് കാസർകോട് ഭാ​ഗത്തേക്ക് പോകുകയായിരുന്ന ലോറിയും കാഞ്ഞങ്ങാട് ഭാ​ഗത്തേക്ക് വരികയായിരുന്ന കാറും കൂട്ടിയിടിച്ചത്. അ​ഗ്നിരക്ഷാസേനയും പൊലീസും സ്ഥലത്തെത്തി രക്ഷാപ്രവർത്തനം നടത്തി. റോഡിലേക്കൊഴുകിയ ഓയിൽ നീക്കം ചെയ്തു. അപകടത്തിൽ ആർക്കും പരിക്കില്ല. അപകടത്തിൽപെട്ട വാഹനങ്ങൾ പൊലീസ് കസ്റ്റഡിയിലെടുത്തു.