എംഡിഎംഎ കേസിൽ 
യൂത്ത് കോൺഗ്രസ് നേതാവ് പിടിയിൽ

ചിറ്റൂർ

എംഡിഎംഎ പിടികൂടിയ കേസിലെ പ്രധാന പ്രതി അറസ്​റ്റിൽ. മണ്ണാർക്കാട് എടത്തനാട്ടുകര ചിരട്ടക്കുളം കോട്ടനായ്ക്കൽ വീട്ടിൽ എ റംഷാദിനെയാണ്​ (30) പൊലീസ് അറസ്റ്റ് ചെയ്തത്. അലനെല്ലൂരിലെ യൂത്ത്​ കോൺഗ്രസ്​ നേതാവാണ്​ റംഷാദ്​. ഇതോടെ കേസിൽ ആറുപേർ പിടിയിലായി. ഞായറാഴ്​ചയാണ് കാറിൽക്കടത്തിയ 338.16 ഗ്രാം എംഡിഎംഎയുമായി മലപ്പുറം മേലാറ്റൂർ ചെമ്മണിയോട് എച്ച് മുഹമ്മദ് നാഷിഫ്, അലനല്ലൂർ കർക്കിടാംകുന്ന് എച്ച് ഫാസിൽ എന്നിവർ നടപ്പുണിയിൽ പിടിയിലായത്​. തുടർന്ന് മണ്ണാർക്കാട് കർക്കിടാംകുന്ന് പാലക്കടവ് വടക്കൻ വീട്ടിൽ എ ഷഫീക് , കോഴിക്കോട് ബേപ്പൂർ കക്കിരിക്കാട് മഹ്‌സിന ഹൗസിൽ കെ പി മുനാഫിസ്, ആലപ്പുഴ തുമ്പോളി പാലിയത്തയിൽ വീട്ടിൽ അതുല്യ റോബിൻ എന്നിവരെയും പിടികൂടിയിരുന്നു. കൊഴിഞ്ഞാമ്പാറ ഇൻസ്പെക്ടർ എം ആർ അരുൺകുമാറിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. പ്രതിയെ റിമാൻഡ് ചെയ്തു.