സഹകരണ വാരാഘോഷം ഉപേക്ഷിച്ച കേന്ദ്ര നടപടി; കെസിഇയു പ്രതിഷേധിച്ചു

പാലക്കാട്‌

അഖിലേന്ത്യാ സഹകരണ വാരാഘോഷം ഉപേക്ഷിക്കാനുള്ള കേന്ദ്ര സർക്കാർ തീരുമാനത്തിൽ കേരള കോ–ഓപ്പറേറ്റീവ്‌ എംപ്ലോയീസ്‌ യൂണിയൻ ജില്ലാ കമ്മിറ്റി പ്രതിഷേധം സംഘടിപ്പിച്ചു. സിപിഐ എം ജില്ലാ സെക്രട്ടറി വി ചെന്താമരാക്ഷൻ ഉദ്ഘാടനം ചെയ്തു. കെസിഇയു ജില്ലാ പ്രസിഡന്റ്‌ എം ഗോപാലകൃഷ്ണൻ അധ്യക്ഷനായി. ആര്യൻ, ബബിത, എ പ്രകാശൻ, കെ ബി സുധീർ, ടി പ്രദോഷ് എന്നിവർ സംസാരിച്ചു. കെസിഇയു ജില്ലാ സെക്രട്ടറി എൻ രാജേഷ് സ്വാഗതവും ജില്ലാ ട്രഷറർ വി ജ്യോതിബസു നന്ദിയും പറഞ്ഞു. മുൻ പ്രധാനമന്ത്രി ജവഹർലാൽ നെഹ്‌റുവിന്റെ ജന്മദിനമായ നവംബർ 14 മുതൽ 20 വരെയാണ് ഏഴ് പതിറ്റാണ്ടിലേറെയായി രാജ്യത്ത് അഖിലേന്ത്യാ സഹകരണ വാരാഘോഷം സംഘടിപ്പിച്ചിരുന്നത്‌. നാഷണൽ കോ-–ഓപ്പറേറ്റീവ് യൂണിയൻ ഓഫ് ഇന്ത്യയുടെ നേതൃത്വത്തിൽ നടത്തിയിരുന്ന പരിപാടിയാണ് കേന്ദ്ര സർക്കാർ ഉപേക്ഷിച്ചത്.