156 കഞ്ചാവുചെടി നശിപ്പിച്ചു

അഗളി

ഓണം സ്പെഷ്യൽ ഡ്രൈവിന്റെ ഭാഗമായി അഗളി എക്‌സൈസ് നടത്തിയ പരിശോധനയിൽ 156 കഞ്ചാവുചെടി കണ്ടെത്തി നശിപ്പിച്ചു. പുതൂരിലെ താഴെ ഭൂതയാറിൽ 1.5 കിലോമീറ്റർ ദൂരെ വനത്തിലാണ്‌ 41 തടത്തിലായി ചെടികൾ കണ്ടെത്തിയത്‌. അഗളി എക്‌സൈസ് ഇൻസ്‌പെക്ടർ മുഹമ്മദ് ഇഹ്‌ലാസ് അലിയും പ്രിവന്റീവ്‌ ഓഫീസർമാരായ ജെ ആർ അജിത്, കെ രതീഷ്, സിവിൽ എക്‌സൈസ് ഓഫീസർമാരായ ആർ പ്രദീപ്, ലക്ഷ്മണൻ, ഭോജൻ, എ കെ രജീഷ് എന്നിവർ പരിശോധനയിൽ പങ്കെടുത്തു.