പരിസ്ഥിതി സംരക്ഷണത്തിന്‌ നിറങ്ങൾ ചാലിച്ച്‌ വിദ്യാർഥികൾ

കോഴിക്കോട്‌ പരിസ്ഥിതി സംരക്ഷണ സന്ദേശവുമായി ചുറ്റുമതിലിൽ ചിത്രങ്ങളൊരുക്കി ഹോളിക്രോസ് കോളേജ് വിദ്യാർഥികൾ. കോളേജ്‌ പ്രവേശനവഴിയുടെ ഇരുവശങ്ങളിലുമുള്ള മതിലിലാണ്‌ ചിത്രംവരച്ചത്. മരങ്ങളും പക്ഷികളും നദികളും പച്ചപ്പുമടങ്ങിയ സുന്ദരദൃശ്യങ്ങൾക്കൊപ്പം മനുഷ്യന്റെ ഉത്തരവാദിത്തവും വ്യക്തമാക്കുന്നതാണ്‌ ചിത്രങ്ങൾ. വിദ്യാർഥികളുടേത്‌ ശക്തമായ ദൃശ്യപാഠങ്ങളാണെന്ന്‌ പ്രിൻസിപ്പൽ ഡോ. സിസ്റ്റർ ഷൈനി ജോർജ് പറഞ്ഞു.