അന്യായ സ്ഥലംമാറ്റങ്ങൾക്കെതിരെ പ്രതിഷേധ കൂട്ടായ്മ

കോഴിക്കോട്

അന്യായമായ സ്ഥലംമാറ്റങ്ങൾക്കെതിരെ എഫ്എസ്ഇടിഒ നേതൃത്വത്തിൽ ജീവനക്കാരും കുടുംബാംഗങ്ങളും ജില്ലാ കേന്ദ്രങ്ങളിൽ പ്രതിഷേധ കൂട്ടായ്മ നടത്തി. പകപോക്കൽ സ്ഥലം മാറ്റം അടിയന്തരമായി അവസാനിപ്പിക്കണമെന്ന് കൂട്ടായ്മ ആവശ്യപ്പെട്ടു. കോഴിക്കോട് സ്റ്റേഡിയം കോർണറിൽ നടന്ന കൂട്ടായ്മ മേയർ ഒ സദാശിവൻ ഉദ്ഘാടനംചെയ്തു. ജില്ലാ പ്രസിഡന്റ് ആർ എം രാജൻ അധ്യക്ഷനായി. ജനറൽ സെക്രട്ടറി എം വി ശശിധരൻ പ്രഭാഷണം നടത്തി. കേരള എൻജിഒ യൂണിയൻ സംസ്ഥാന സെക്രട്ടേറിയറ്റംഗം ഹംസ കണ്ണാട്ടിൽ, കെഎസ്ടിഎ സംസ്ഥാന വൈസ് പ്രസിഡന്റ് പി എസ് സ്മിജ, കെജിഒഎ സംസ്ഥാന വൈസ് പ്രസിഡന്റ് പി പി സുധാകരൻ, കെജിഎൻഎ സംസ്ഥാന വൈസ് പ്രസിഡന്റ് കെ പി ഷീന, കേരള വാട്ടർ അതോറിറ്റി എംപ്ലോയീസ് യൂണിയൻ ജില്ലാ പ്രസിഡന്റ് കെ പി ഉസ്മാൻകോയ, എഫ്എസ്ഇടിഒ ജില്ലാ സെക്രട്ടറി ടി സജിത്കുമാർ എന്നിവർ സംസാരിച്ചു.