നാദാപുരം താലൂക്ക് ആശുപത്രിയിലേക്ക് ഡിവൈഎഫ്ഐ മാർച്ച്

നാദാപുരം നാദാപുരം താലൂക്ക് ആശുപത്രിയിലെ ചികിത്സാപ്പിഴവിനെ തുടർന്ന് കോഴിക്കോട് മെഡിക്കൽ കോളേജിൽ ചികിത്സയിലിരിക്കെ രോഗി മരിച്ച സംഭവത്തിൽ കുറ്റക്കാർക്കെതിരെ നടപടി സ്വീകരിക്കണമെന്നാവശ്യപ്പെട്ട് ഡിവൈഎഫ്ഐ മാർച്ച്‌ നടത്തി. നാദാപുരം ബ്ലോക്ക്‌ കമ്മിറ്റിയുടെ നേതൃത്വത്തിൽ താലൂക്ക് ആശുപത്രിക്ക് മുന്നിലേക്ക് ഡിവൈഎഫ്ഐ സംഘടിപ്പിച്ച മാർച്ച്‌ ജില്ലാ ജോ. സെക്രട്ടറി പി രാഹുൽരാജ് ഉദ്ഘാടനം ചെയ്തു. ബ്ലോക്ക് പ്രസിഡന്റ്‌ സി അഷിൽ അധ്യക്ഷനായി. എം ശരത്ത്, കെ ലിജിന, പി പി ഷഹറാസ്, പി അഭിനന്ദ് എന്നിവർ സംസാരിച്ചു. ബ്ലോക്ക്‌ സെക്രട്ടറി എ കെ ബിജിത്ത് സ്വാഗതവും എൻ കെ മിഥുൻ നന്ദിയും പറഞ്ഞു.