മഴയും ഇടിമിന്നലും; ജാഗ്രത വേണം: കലക്ടര്
കൊല്ലം
ജില്ലയില് മഴയും കാറ്റും ഇടിമിന്നലും തുടരുമെന്നും പൊതുജനങ്ങള് ജാഗ്രത പാലിക്കണമെന്നും ജില്ലാ ദുരന്തനിവാരണ അതോറിറ്റി ചെയര്പേഴ്സണായ കലക്ടര് ആനി ജൂല തോമസ്. ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്കും മണിക്കൂറില് 40 കിലോമീറ്റര് വരെ വേഗത്തില് കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചിട്ടുണ്ട്. അതിനാല് ജാഗ്രത നിര്ദേശങ്ങള് കൃത്യമായി പാലിക്കണമെന്നും കലക്ടര് അറിയിച്ചു.
ജാഗ്രതാനിര്ദേശങ്ങള്
ഇടിമിന്നല് ഉണ്ടായാല് ഉടന് സുരക്ഷിത സ്ഥാനങ്ങളിലേക്ക് മാറുക. തുറസ്സായ സ്ഥലങ്ങളില് തുടരുന്നത് ഇടിമിന്നലേല്ക്കാനുള്ള സാധ്യത വര്ധിപ്പിക്കും. ജനലും വാതിലും അടച്ചിടുക. വാതിലിനും ജനലിനും അടുത്ത് നില്ക്കരുത്. കെട്ടിടത്തിനകത്ത് ഇരിക്കുക. ഭിത്തിയിലോ തറയിലോ സ്പര്ശിക്കരുത്. -ഗൃഹോപകരണങ്ങളുടെ വൈദ്യുതിബന്ധം വിഛേദിക്കുക. അവയുടെ സാമീപ്യം ഇടിമിന്നല് സമയത്ത് ഒഴിവാക്കുക. തുറസ്സായ സ്ഥലത്തും ടെറസിലും നില്ക്കുന്നത് ഒഴിവാക്കുക. വൃക്ഷങ്ങളുടെ ചുവട്ടില് നില്ക്കരുത്. വാഹനങ്ങള് മരച്ചുവട്ടില് പാര്ക്ക് ചെയ്യരുത്. -ഇടിമിന്നല് സമയത്ത് വാഹനത്തിനകത്ത് തന്നെ തുടരുക. കൈകാലുകള് പുറത്തിടരുത്. സൈക്കിള്, ബൈക്ക്, ട്രാക്ടര് തുടങ്ങിയ വാഹനങ്ങളിലുള്ള യാത്ര ഒഴിവാക്കുക. -വളര്ത്തുമൃഗങ്ങളെ തുറസ്സായ സ്ഥലത്ത് കെട്ടരുത്.- കാറ്റില് മറിഞ്ഞുവീഴാന് സാധ്യതയുള്ള വസ്തുക്കള് കെട്ടിവയ്ക്കുക. പൈപ്പിലൂടെ മിന്നല് മൂലമുള്ള വൈദ്യുതി സഞ്ചരിച്ചേക്കാമെന്നതിനാൽ- ഇടിമിന്നലുള്ള സമയത്ത് കുളിക്കുന്നത് ഒഴിവാക്കുക. ടാപ്പുകളില്നിന്ന് വെള്ളം ശേഖരിക്കുന്നതും ഒഴിവാക്കണം. ജലാശയത്തില് മീന്പിടിക്കാനോ കുളിക്കാനോ ഇറങ്ങരുത്. മീൻപിടിത്തം, ബോട്ടിങ് തുടങ്ങിയവ നിര്ത്തിവച്ച് ഉടന് കരയിലേക്ക് എത്തണം. -പട്ടം പറത്തുന്നത് ഒഴിവാക്കുക. തുറസ്സായ സ്ഥലത്താണെങ്കില് പാദങ്ങള് ചേര്ത്തുവച്ച് കാല്മുട്ടുകള്ക്ക് ഇടയില് തല ഒതുക്കി പന്തുപോലെ ഉരുണ്ട് ഇരിക്കുക. ഇടിമിന്നലില്നിന്ന് സുരക്ഷ നേടാന് കെട്ടിടങ്ങള്ക്കുമുകളില് മിന്നല്രക്ഷാ ചാലകം സ്ഥാപിക്കാം. വൈദ്യുതോപകരണങ്ങളുടെ സുരക്ഷയ്ക്കായി സര്ജ് പ്രൊട്ടക്ടര് ഘടിപ്പിക്കാം. മിന്നലിന്റെ ആഘാതത്തില് പൊള്ളലേല്ക്കുക, കാഴ്ച-യും കേള്വിയും നഷ്ടമാകുക, ഹൃദയാഘാതം എന്നിവയുണ്ടാകാം. അതിനാല് മിന്നലേറ്റ ആളിന് അടിയന്തര വൈദ്യസഹായം നല്കുക.
Tags
Related News
Dont Miss it
0 comments