767 കുടുംബങ്ങൾ;
ഹാപ്പി ‘ലൈഫ്‌’

കരുനാഗപ്പള്ളി

സംസ്ഥാന സർക്കാരിന്റെ ‘ലൈഫ്’ പദ്ധതിയിലൂടെ സ്വന്തമായി ഒരു വീട് എന്ന സ്വപ്നം യാഥാർഥ്യമാക്കിയ സന്തോഷത്തിലാണ് കുലശേഖരപുരം പഞ്ചായത്തിലെ 767 കുടുംബങ്ങൾ. കഴിഞ്ഞ അഞ്ചുവർഷത്തിനിടെ ലൈഫിൽ ഉൾപ്പെടുത്തി 423 കുടുംബങ്ങൾക്കാണ് പഞ്ചായത്തിൽ വീടുകൾ അനുവദിച്ച് പൂർത്തിയാക്കിയത്. കൂടാതെ 68 ഭൂരഹിതരായ കുടുംബങ്ങൾക്ക് ഭൂമിയും വീടും അനുവദിച്ചു. 22.39 കോടി രൂപയാണ് ഇതിനായി ചെലവഴിച്ചത്. ‘ലൈഫ് ’പദ്ധതി തുടങ്ങിയതിനുശേഷം കുലശേഖരപുരത്ത്‌ നാളിതുവരെ 650 പേർക്ക് വീടും 117 പേർക്ക് ഭൂമിയും വീടും നൽകി.