ഡിവൈഎഫ്ഐ വിളംബര ജാഥ

അഞ്ചൽ

ഫുട്ബോള്‍ ലോകകപ്പ് പ്രചാരണാര്‍ഥം ഡിവൈഎഫ്ഐ അഞ്ചൽ ബ്ലോക്ക്‌ കമ്മിറ്റി നേതൃത്വത്തിൽ വിളംബര ജാഥ നടത്തി. അഞ്ചൽ കോളേജ് ജങ്ഷനിൽനിന്ന് ആരംഭിച്ച ജാഥ സിപിഐ എം അഞ്ചൽ ഏരിയ സെക്രട്ടറി ഡി വിശ്വസേനൻ ഫ്ലാഫ് ഓഫ്‌ചെയ്തു. വിവിധ ടീമുകളുടെ ആരാധകർ കൊടികളേന്തിയും ജേഴ്‌സി ധരിച്ചും പങ്കെടുത്തു. പ്രചാരണ ജാഥ ആർ ഒ ജങ്ഷൻ വഴി അഞ്ചൽ ചന്തമുക്കിൽ അവസാനിച്ചു. ഡിവൈഎഫ്ഐ അഞ്ചൽ ബ്ലോക്ക്‌ കമ്മിറ്റി പ്രസിഡന്റ് അഭിലാഷ് അധ്യക്ഷനായി. ബ്ലോക്ക്‌ സെക്രട്ടറി ഷൈൻ ബാബു, ഡിവൈഎഫ്ഐ ജില്ലാ കമ്മിറ്റി അംഗം രാംരാജ്, അലയമൺ പഞ്ചായത്ത്‌ പ്രസിഡന്റ് ആനന്ദ്, അഞ്ചൽ പഞ്ചായത്ത് പ്രസിഡന്റ് പി കെ രാജിമോൾ, ഏരൂർ പഞ്ചായത്ത് പ്രസിഡന്റ് ആതിര പ്രവീൺ,ബ്ലോക്ക്‌ പഞ്ചായത് അംഗങ്ങളായ സി അംബിക കുമാരി, ഹസീന, സിപിഐ എം ഏരിയ കമ്മിറ്റി അംഗങ്ങളായ രാജീവ്‌, ഷിബു, ബ്ലോക്ക്‌ ട്രഷറർ ജസ്മൽ എന്നിവർ സംസാരിച്ചു.