പെണ്ണമ്മയെത്തി 
നിറഞ്ഞ മനസ്സോടെ

പൊൻകുന്നം

​കത്തുന്ന നട്ടുച്ചവെയിലിനെക്കാൾ തിളക്കമുണ്ടായിരുന്നു പെണ്ണമ്മയുടെ വാക്കുകൾക്ക്. 75–ാം വയസ്സിലും വികസന മുന്നേറ്റ ജാഥയുടെ ആവേശത്തിലേക്ക് കാഞ്ഞിരപ്പള്ളി കുറവാമൂഴി സ്വദേശിയായ ഈ വയോധിക എത്തിയത് ഒരു ലക്ഷ്യത്തോടെയാണ്. തന്റെ ജീവിതത്തിന് താങ്ങായ സർക്കാരിനോടുള്ള നന്ദി പ്രകടിപ്പിക്കാൻ. "ഞങ്ങൾക്ക് കൃത്യമായി പെൻഷൻ കിട്ടണമെങ്കിൽ ഈ സർക്കാർ തന്നെ വീണ്ടും വരണം. ജനങ്ങളെ ചേർത്തുപിടിക്കുന്ന സർക്കാരിനൊപ്പം നിൽക്കുക എന്നത് ഞങ്ങളുടെ കൂടി ആവശ്യമാണ്’. പെണ്ണമ്മയുടെ വാക്കുകളിൽ നിറയെ സർക്കാരിനോടുള്ള കടപ്പാടാണ്‌. പെൻഷൻ മുടങ്ങാതെ ലഭിക്കുന്നതും ജനകീയ പദ്ധതികൾ തുടരുന്നതും ഇടതുപക്ഷ സർക്കാർ ഉള്ളതുകൊണ്ടാണെന്നും പെണ്ണമ്മ പറയുന്നു.