പിഎസ്‍സി: അഭിമുഖവും സർട്ടിഫിക്കറ്റ് പരിശോധനയും

അഭിമുഖം

പൊതുവിദ്യാഭ്യാസ (ഡയറ്റ്) വകുപ്പിൽ ലക്ചറർ ഇൻ സോഷ്യൽ സയൻസ് (കാറ്റഗറി നമ്പർ 374/2022) തസ്തികയിലേക്ക് കൂട്ടിച്ചേർക്കൽ വിജ്ഞാപനം മുഖേന ഉൾപ്പെടുത്തിയ ഭിന്നശേഷി വിഭാഗത്തിൽപ്പെട്ട ഉദ്യോഗാർഥികൾക്ക് മാർച്ച് 4 ന് പിഎസ്‍സി ആസ്ഥാന ഓഫീസിൽ വച്ച് അഭിമുഖം നടത്തും. ഉദ്യോഗാർഥികൾക്കുള്ള പ്രൊഫൈൽ സന്ദേശം, എസ്എംഎസ് എന്നിവ നൽകിയിട്ടുണ്ട്. കൂടുതൽ വിവരങ്ങൾക്ക്

ജിആർ2സി വിഭാഗവുമായി ബന്ധപ്പെടണം (0471 2546294).

പ്രമാണപരിശോധന

ഭൂജല വകുപ്പിൽ ജൂനിയർ ജിയോഫിസിസിസ്റ്റ് (കാറ്റഗറി നമ്പർ 468/2024) തസ്തികയിലേക്ക് മാർച്ച് 4 ന് പിഎസ്‍സി ആസ്ഥാന ഓഫീസിൽ വച്ച് പ്രമാണപരിശോധന നടത്തും. ഉദ്യോഗാർഥികൾക്കുള്ള പ്രൊഫൈൽ സന്ദേശം, എസ്എംഎസ് എന്നിവ നൽകിയിട്ടുണ്ട്. അറിയിപ്പ് ലഭിക്കാത്തവർ ജിആർ8 വിഭാഗവുമായി ബന്ധപ്പെടണം (0471 2546440).

പുനരളവെടുപ്പ്

വിവിധ ജില്ലകളിൽ വനം വന്യജീവി വകുപ്പിൽ ഫോറസ്റ്റ് ഡ്രൈവർ (കാറ്റഗറി നമ്പർ 524/2024, 564/2024 - വിശ്വകർമ്മ, 565/2024 - പട്ടികജാതി, 566/2024 - ഒബിസി) തസ്തികയുടെ തെരഞ്ഞെടുപ്പുമായി ബന്ധപ്പെട്ട് നടന്ന ശാരീരിക അളവെടുപ്പിൽ യോഗ്യത നേടാതെ, അപ്പീൽ അനുവദിച്ചതിനെ തുടർന്ന് കായികക്ഷമതാ പരീക്ഷയിൽ പങ്കെടുത്ത് വിജയിച്ചവർക്ക് മാർച്ച് 5ന് പിഎസ്‍സി ആസ്ഥാന ഓഫീസിൽ വച്ച് ശാരീരിക പുനരളവെടുപ്പ് നടത്തും. ഉദ്യോഗാർഥികൾക്കുള്ള പ്രൊഫൈൽ സന്ദേശം, എസ്എംഎസ് എന്നിവ നൽകിയിട്ടുണ്ട്.