ബാങ്കുകൾ വിളിക്കുന്നു 10, 277 കസ്​റ്റമർ സർവീസ്​ അസോസിയേറ്റ്​

11 പൊതുമേഖലാ ബാങ്കുകളിലെ 10,277 കസ്റ്റമർ സർവീസ് അസോസിയേറ്റ് തസ്തികകളിലേക്ക് ഇൻസ്റ്റിറ്റ്യൂട്ട് ഓഫ് ബാങ്കിങ്​ പേഴ്​സണൽ സെലക്ഷൻ (ഐബിപിഎസ്​) വിജഞാപനം (സിആർപി സിഎസ്​എ XV). ബാങ്ക്​ ഓഫ്​ ബറോഡ, കനറാ ബാങ്ക്​, ഇന്ത്യൻ ഓവർസീസ്​ ബാങ്ക്​, യൂക്കോ ബാങ്ക്​, ബാങ്ക്​ ഓഫ്​ ഇന്ത്യ, സെൻട്രൽ ബാങ്ക്​ ഓഫ്​ ഇന്ത്യ, പഞ്ചാബ്​ നാഷണൽ ബാങ്ക്​, യൂണിയൻ ബാങ്ക്​ ഓഫ്​ ഇന്ത്യ, ബാങ്ക്​ ഓഫ്​ മഹാരാഷ്ട്ര, ഇന്ത്യൻ ബാങ്ക്​, പഞ്ചാബ്​ ആൻഡ്​ സിന്ധ്​ ബാങ്ക്​ എന്നീ ബാങ്കുകളിലാണ്​ അവസരം. കേരളത്തിൽ 330 ഒഴിവുണ്ട്. ഒരു സംസ്ഥാനം/കേന്ദ്രഭരണ പ്രദേശത്ത് മാത്രമേ അപേക്ഷിക്കാനാകൂ. യോഗ്യത: അംഗീകൃത സർവകലാശാലാ ബിരുദം അല്ലെങ്കിൽ കേന്ദ്രസർക്കാർ അംഗീകരിച്ച തത്തുല്യ യോഗ്യത. പ്രായപരിധി (01-–08-–2025 വരെ) : 20 – 28 വയസ്​. (02–08–1997 ന് മുമ്പോ 01–08–2005 ന് ശേഷമോ ജനിച്ചവരാകരുത് (രണ്ട് തീയതികളും ഉൾപ്പെടെ). അപേക്ഷാഫീസ്: 850 രൂപ. എസ്‌സി/ എസ്ടി/ പിഡബ്ല്യുബിഡി/ ഇഎസ്എം/ ഡിഇഎസ്എം വിഭാഗത്തിന്​ : 175 രൂപ. അപേക്ഷിക്കുന്ന സ്ഥലത്തെ പ്രാദേശിക ഭാഷയിൽ പരിജ്ഞാനംവേണം. ഒബ്ജക്ടീവ് രീതിയിലുള്ള പ്രിലിമിനറി/മെയിൻ പരീക്ഷയുടെ അടിസ്ഥാനത്തിലാണ്​ തിരഞ്ഞെടുപ്പ്. സംവരണ വിഭാഗത്തിന്​ ഓൺലൈൻ പ്രി എക്സാം ട്രെയിനിങ് ലഭിക്കും. പ്രിലിമിനറി പരീക്ഷ ഒക്ടോബറിലും മെയിൻ പരീക്ഷ നവംബറിലും നടക്കും. 2026 മാർച്ചിലായിരിക്കും താൽക്കാലിക അലോട്ട്മെന്റ്. പ്രിലിമിനറി പരീക്ഷയ്​ക്ക്​ തിരുവനന്തപുരം, കൊല്ലം, കോട്ടയം, എറണാകുളം, ആലപ്പുഴ, പാലക്കാട്​, മലപ്പുറം, തൃശൂർ, കോഴിക്കോട്​, കണ്ണൂർ എന്നിവിടങ്ങളിൽ പരീക്ഷാകേന്ദ്രങ്ങളുണ്ട്​. മെയിൻ പരീക്ഷയ്​ക്ക്​ തിരുവനന്തപുരം, കൊല്ലം, കോട്ടയം, ആലപ്പുഴ, എറണാകുളം, തൃശൂർ, മലപ്പുറം, കോഴിക്കോട്​ എന്നിവിടങ്ങളിൽ പരീക്ഷാകേന്ദ്രങ്ങളുണ്ട്​. ibpsreg.ibps.in/crpcsaxvjl25/വഴി ഓൺലൈനായി ആഗസ്​ത്​ 21 വരെ അപേക്ഷിക്കാം. വിശദവിവരങ്ങൾക്ക്​ www.ibps.in കാണുക.