പ്ലസ് വൺ ക്ലാസുകൾ നാളെ തുടങ്ങും

തിരുവനന്തപുരം: പ്ലസ് വൺ ക്ലാസുകൾ ജൂൺ 18 ബുധനാഴ്ച ആരംഭിക്കും.  ഇതുവരെ അപേക്ഷിക്കുവാൻ കഴിയാത്തവർക്കും അപേക്ഷയിൽ തെറ്റായ വിവരങ്ങൾ നൽകിയവർക്കും ഇന്നു വൈകുന്നേരം വരെ അവസരം പ്രയോജനപ്പെടുത്താം.

പ്രവേശനത്തിനുള്ള മൂന്നാം അലോട്മെന്റിൽ 87,928 പേർക്ക് കൂടി സീറ്റ് ലഭിച്ചു. മെറിറ്റ് സീറ്റിലേക്കുള്ള ഏകജാലക പ്രവേശനം വഴിയുള്ള മുഖ്യഘട്ടത്തിലെ മൂന്ന് അലോട്മെന്റുകളിലായി ആകെ 3,12,908 പേർക്ക് അവസരം ലഭിച്ചു. 4688 സീറ്റുകൾ ബാക്കിയുണ്ട്.

മൂന്നാം അലോട്മെന്റിൽ 57,572 പേർക്കാണ് ഉയർന്ന ഓപ്ഷൻ ലഭിച്ചത്. സ്പോർട്സ് ക്വാട്ടയിൽ 5,310 പേർക്കും മോഡൽ റെസിഡൻഷ്യൽ സ്കൂളുകളിൽ (എംആർഎസ്‌) 1,170 പേർക്കും അലോട്മെൻ്റ് നേടാനായി. സ്പോർട്സ് ക്വാട്ടയിൽ 2,889 സീറ്റും എംആർഎസുകളിൽ 359 സീറ്റും ഒഴിവുണ്ട്.

സപ്ലിമെന്ററി അലോട്മെന്റ് അവസരം ഇനിയും പ്രയോജനപ്പെടുത്താം. ഇതിനുള്ള അ​ലോ​ട്ട്​​മെ​ന്‍റ്​ ന​ട​പ​ടി​ക​ൾ ജൂ​ൺ 28ന്​ ​തു​ട​ങ്ങും. നി​ല​വി​ൽ ഒ​ഴി​വു​ള്ള സീ​റ്റു​ക​ൾ, മൂ​ന്നാം അ​ലോ​ട്ട്​​മെൻറി​ൽ പ്ര​വേ​ശ​നം നേ​ടാ​ത്ത സീ​റ്റു​ക​ൾ, ക​മ്യൂ​ണി​റ്റി, മാ​നേ​ജ്​​മെ​ന്‍റ്, സ്​​പോ​ർ​ട്​​സ്​ ക്വോ​ട്ട​ക​ളി​ൽ ബാ​ക്കി വ​രു​ന്ന സീ​റ്റു​ക​ൾ എ​ന്നി​വ ചേ​ർ​ത്താ​യി​രി​ക്കും ഒ​ന്നാം സ​പ്ലി​മെ​ന്‍റ​റി അ​ലോ​ട്ട്​​മെ​ന്‍റി​നു​ള്ള ഒ​ഴി​വു​ക​ൾ പ്ര​സി​ദ്ധീ​ക​രി​ക്കു​ക.