തമിഴ്നാട് എംആർബി: 1100 അസിസ്റ്റന്റ്‌ സർജൻ

​തമിഴ്നാട് ആരോഗ്യ കുടുംബക്ഷേമ വകുപ്പിൽ 1100 അസിസ്റ്റന്റ്‌ സർജൻ (ജനറൽ) ഒഴിവുകളിലേക്ക് മെഡിക്കൽ സർവീസസ് റിക്രൂട്ട്‌മെൻ്റ് ബോർഡ് (MRB) അപേക്ഷ ക്ഷണിച്ചു. ഇന്ത്യയിലെ ഏത് സംസ്ഥാനത്തുനിന്നുള്ളവർക്കും അപേക്ഷിക്കാമെങ്കിലും ഉദ്യോഗാർഥികൾക്ക് തമിഴ്നാട് മെഡിക്കൽ കൗൺസിലിൽ രജിസ്‌ട്രേഷൻ ഉണ്ടായിരിക്കണം. തമിഴ് ഭാഷാ യോഗ്യതാ പരീക്ഷയും നിർബന്ധമാണ്.

യോഗ്യത : ​ഇന്ത്യൻ മെഡിക്കൽ കൗൺസിൽ അംഗീകരിച്ച എംബിബിഎസ് ബിരുദം. ​കുറഞ്ഞത് 12 മാസത്തെ സിപിആർഐ ( ഹൗസ് സർജൻ) പരിശീലനം പൂർത്തിയാക്കിയിരിക്കണം. ​മദ്രാസ് മെഡിക്കൽ രജിസ്‌ട്രേഷൻ ഹൗസ് സർജൻആക്‌ട്, 1914 പ്രകാരം രജിസ്റ്റർ ചെയ്ത പ്രാക്‌ടീഷണർ ആയിരിക്കണം.​ നവംബർ 21നുമുന്പ്‌ തമിഴ്‌നാട് മെഡിക്കൽ കൗൺസിലിൽ രജിസ്‌ട്രേഷൻ നേടിയിരിക്കണം. ​

പ്രായപരിധി (01.07.2025 പ്രകാരം): 37 വയസ്. നിയമാനുസൃത ഇളവുണ്ട്. തമിഴ് ഭാഷാ യോഗ്യതാ പരീക്ഷ, കംപ്യൂട്ടർ അധിഷ്ഠിത പരീക്ഷ, കോവിഡ് ഡ്യൂട്ടി ഇൻസെന്റീവ് മാർക്ക്, രേഖാ പരിശോധന എന്നിവയുടെ അടിസ്ഥാനത്തിലാണ് തെരഞ്ഞെടുപ്പ്. അപേക്ഷാ ഫീസ്: 1000 രൂപ. ഡിസംബർ 11 വരെ ഓൺലൈനായി അപേക്ഷിക്കാം. കൂടുതൽ വിവരങ്ങൾക്കും അപേക്ഷിക്കുന്നതിനും www.mrb.tn.gov.in കാണുക.