കേരള മീഡിയ അക്കാദമി: ഫോട്ടോ ജേണലിസം കോഴ്‌സിലേക്ക് അപേക്ഷിക്കാം

കൊച്ചി : സംസ്ഥാന സര്‍ക്കാരിന്റെ കീഴിലുള്ള സ്വയംഭരണ സ്ഥാപനമായ കേരള മീഡിയ അക്കാദമി നടത്തുന്ന ഫോട്ടോ ജേണലിസം കോഴ്‌സിലേയ്ക്ക് ഫെബ്രുവരി 20വരെ അപേക്ഷിക്കാം. എറണാകുളം കാക്കനാടും തിരുവനന്തപുരത്തുമുള്ള സെന്ററുകളിൽ മാർച്ച് മുതലാണ് ക്ലാസുകൾ ആരംഭിക്കുന്നത്. തിയറിയും പ്രാക്ടിക്കലും ഉള്‍പ്പെടെ മൂന്ന് മാസമാണ് കോഴ്‌സിന്റെ കാലാവധി. ശനി, ഞായര്‍ ദിവസങ്ങളിലാണ് ക്ലാസ്സുകള്‍. 25 വീതം സീറ്റുകള്‍ ഉണ്ട്.

സര്‍ക്കാര്‍ അംഗീകാരമുളള കോഴ്‌സിന് 25,000 രൂപയാണ് ഫീസ്. പ്ലസ് ടു വിദ്യാഭ്യാസ യോഗ്യതയുളളവര്‍ക്ക് അപേക്ഷിക്കാം. അപേക്ഷ തപാല്‍ മുഖേനേയോ, ഓണ്‍ലൈന്‍ ആയോ സമര്‍പ്പിക്കാം. https://forms.gle/xiGdyxcwViUPoUTf6 എന്ന ലിങ്കിലൂടെയും അപേക്ഷ സമര്‍പ്പിക്കാം. അപേക്ഷ സ്വീകരിക്കുന്ന അവസാന തീയതി- ഫെബ്രുവരി 20. ഫോണ്‍ : കൊച്ചി 8281360360, തിരുവനന്തപുരം 9447225524. അപേക്ഷ അയയ്ക്കേണ്ട വിലാസം- സെക്രട്ടറി, കേരള മീഡിയ അക്കാദമി, കാക്കനാട് കൊച്ചി-30. വിശദവിവരങ്ങള്‍ക്ക് - www.kma.ac.in.