ആർബിഐയിൽ അവസരം

റിസർവ് ബാങ്ക് ഓഫ് ഇന്ത്യയിൽ ഓഫിസർ തസ്‌തികയിൽ 120 ഒഴിവ്. തസ്‌തികയും ഒഴിവും: ഓഫീസർ ഗ്രേഡ് ബി- ജനറൽ: 83. ഓഫിസർ ഗ്രേഡ് ബി-ഡിപ്പാർട്ട്‌മെന്റ് ഓഫ് ഇക്കണോമിക്‌സ് ആൻഡ് പോളിസി റിസർച്ച്‌: 17. ഓഫിസർ ഗ്രേഡ് ബി- ഡിപ്പാർട്ട്‌മെന്റ് ഓഫ് സ്റ്റാറ്റിസ്‌റ്റിക്സ്‌ ആൻഡ് ഇൻഫർമേഷൻ മാനേജ്മെന്റ്: 20. യോഗ്യത: ഓഫിസർ ഗ്രേഡ് ബി -ജനറൽ: 60% മാർക്കോടെ (പട്ടിക വിഭാഗത്തിനും ഭിന്നശേഷിക്കാർക്കും 50%) ബിരുദം/തത്തുല്യം. അല്ലെങ്കിൽ 55% മാർക്കോടെ (പട്ടികവിഭാഗത്തിനും ഭിന്നശേഷിക്കാർക്കും പാസ് മാർക്ക്) പിജി ബിരുദം/തത്തുല്യം. മറ്റു തസ്തികകളിൽ, ബന്ധപ്പെട്ട വിഭാഗങ്ങളിലെ പിജി ബിരുദം, അനുബന്ധ യോഗ്യതകളുള്ളവർക്കാണ് അവസരം.

പ്രായം: 2025 സെപ്തംബർ ഒന്നിന് 21 – -30 വയസ്‌. നിയമാനുസൃത ഇളവ്‌ ലഭിക്കും. എഴുത്തുപരീക്ഷ (രണ്ടുഘട്ടം), ഇന്റർവ്യൂ എന്നിവയുടെ അടിസ്ഥാനത്തിലാണ്‌ തെരഞ്ഞെടുപ്പ്‌. ഓഫീസർ -– ജനറൽ പ്രിലിമിനറി ഓൺലൈൻ പരീക്ഷ ഒക്ടോബർ 18നും മറ്റുള്ളവ ഒക്ടോബർ 19 നും നടത്തും. കണ്ണൂർ, എറണാകുളം, ആലപ്പുഴ, കോട്ടയം, കോഴിക്കോട്, മലപ്പുറം, തൃശൂർ, പാലക്കാട്, തിരുവനന്തപുരം, കൊല്ലം എന്നിവിടങ്ങളിൽ ഓഫിസർ ഗ്രേഡ് ബി -ജനറൽ പ്രിലിമിനറി പരീക്ഷാ കേന്ദ്രമുണ്ട്. മറ്റു തസ്‌തികകളുടെ പ്രിലിമിനറി പരീക്ഷയ്ക്കു കൊച്ചിയും തിരുവനന്തപുരവും കേന്ദ്രങ്ങളാണ്. ആദ്യഘട്ട പരീക്ഷ ജയിക്കുന്നവർക്ക് ഒബ്ജെക്ടീവ് ആൻഡ് ഡിസ്ക്രിപ്റ്റീവ് പരീക്ഷ നടത്തും.

അപേക്ഷാ ഫീസ്: 850 രൂപ. പട്ടികവിഭാഗം/ഭിന്നശേഷിക്കാർക്ക് 100 രൂപ. ആർബിഐ ജീവനക്കാർക്കു ഫീസ് വേണ്ട. . ഓൺലൈൻ റജിസ്ട്രേഷനും വിജ്ഞാപനത്തിനും www.rbi.org.in കാണുക. അപേക്ഷിക്കാനുള്ള അവസാന തീയതി സെപ്തംബർ 30.