കേന്ദ്ര സർവകലാശാല: യുജി, ഐടെപ് രജിസ്‌ട്രേഷൻ 3 വരെ നീട്ടി

കാസർകോട്: പെരിയയിലെ കേരള കേന്ദ്ര സർവകലാശാലയിൽ നാലുവർഷ ഇന്റഗ്രേറ്റഡ് ടീച്ചർ എഡ്യൂക്കേഷൻ പ്രോഗ്രാമി (ഐടെപ്)ന്റെയും നാലുവർഷ ഓണേഴ്‌സ് ബിരുദ പ്രോഗ്രാമുകളുടെയും രജിസ്ട്രേഷൻ മൂന്നുവരെ നീട്ടി. നാഷണൽ ടെസ്റ്റിങ്​ ഏജൻസി(എൻടിഎ)യുടെ പ്രവേശന പരീക്ഷയിൽ പങ്കെടുത്തവർക്ക് ഐടെപിനും സിയുഇടി- യുജി പരീക്ഷയിൽ പങ്കെടുത്തവർക്ക് ബിരുദ പ്രോഗ്രാമുകൾക്കും www.cukerala.ac.inൽ രജിസ്റ്റർ ചെയ്യാം.

ബിഎസ്​സി ബിഎഡ് (ഫിസിക്‌സ്, സുവോളജി), ബിഎ ബിഎഡ് (ഇംഗ്ലീഷ്, എക്കണോമിക്‌സ്), ബികോം ബിഎഡ് എന്നീ ഐടെപ് പ്രോഗ്രാമുകളും ബിഎസ്​സി ബയോളജി, ബികോം ഫിനാൻഷ്യൽ അനലിറ്റിക്സ്, ബിസിഎ, ബിഎ ഇന്റർനാഷണൽ റിലേഷൻസ് എന്നീ ബിരുദ പ്രോഗ്രാമുകളുമാണ് സർവകലാശാലയിലുള്ളത്. ആറിന് പ്രൊവിഷണൽ റാങ്ക് ലിസ്റ്റ് വെബ്‌സൈറ്റിൽ പ്രസിദ്ധീകരിക്കും. ഏഴിന് [email protected] എന്ന ഇ–മെയിലിൽ പരാതി അറിയിക്കാം. ആദ്യഘട്ട പ്രവേശനം എട്ട് മുതൽ 11 വരെയും രണ്ടാംഘട്ടം 12 മുതൽ 15 വരെയും മൂന്നാംഘട്ടം 18 മുതൽ 20 വരെയും നടക്കും. 21 മുതൽ ക്ലാസുകൾ ആരംഭിക്കും. വിവരങ്ങൾക്ക് വെബ്സൈറ്റ് സന്ദർശിക്കാം. ഹെൽപ്പ്​ലൈൻ: 0467 2309460/2309467.