യുപിഎസ്‌സി വിജ്ഞാപനം എൻഡിഎ II, സിഡിഎസ്‌ II പരീക്ഷ

സിഡിഎസ്‌ II

ബിരുദത്തിനുശേഷം സായുധസേനകളില്‍ ഓഫീസറാകാന്‍ അവസരമൊരുക്കുന്ന കമ്പൈന്‍ഡ് ഡിഫന്‍സ് സര്‍വീസസ് എക്‌സാമിനേഷന്‌ II യൂണിയൻ പബ്ലിക് സർവീസ് കമീഷൻ (യുപിഎസ്‌സി) വിജ്ഞാപനം പ്രസിദ്ധീകരിച്ചു. 453 തസ്തികകളിലാണ്‌ നിയമനം. ഏതെങ്കിലും ബിരുദം, ബിടെക്/ബിഇ യോഗ്യതയുള്ള ഉദ്യോഗാർത്ഥികൾക്ക് ഓൺലൈനായി അപേക്ഷിക്കാം. ഇന്ത്യൻ മിലിട്ടറി അക്കാദമി, ഡെറാഡൂൺ – 2026 ജൂലൈയിൽ ആരംഭിക്കുന്ന 161-ാമത് (DE) കോഴ്‌സ് [എൻ‌സി‌സി `സി' സർട്ടിഫിക്കറ്റ് (ആർമി വിങ്‌) ഹോൾഡർമാർക്ക് സംവരണം ചെയ്തിരിക്കുന്ന 13 ഒഴിവുകൾ ഉൾപ്പെടെ] 100, ഇന്ത്യൻ നേവൽ അക്കാദമി, ഏഴിമല –- 2026 ജൂലൈ കോഴ്‌സ് എക്സിക്യൂട്ടീവ് ബ്രാഞ്ച് (ജനറൽ സർവീസ്)/ഹൈഡ്രോ [എൻസിസി 'സി' സർട്ടിഫിക്കറ്റ് (നേവൽ വിങ്‌) ഹോൾഡർമാർക്ക് 06 ഒഴിവ്‌, ഹൈഡ്രോ 02 ഒഴിവ്‌] 26, ഹൈദരാബാദിലെ എയർഫോഴ്‌സ് അക്കാദമി - (പ്രീ-ഫ്ലൈയിങ്‌) –- 2026 ജൂലൈ ബാച്ച്‌. [എൻസിസി സ്പെഷ്യൽ എൻട്രി വഴി എൻസിസി 'സി' സർട്ടിഫിക്കറ്റ് (എയർ വിങ്‌) ഹോൾഡർമാർക്ക് സംവരണംചെയ്തിരിക്കുന്ന 03 ഒഴിവ്‌] 32, ഓഫീസേഴ്‌സ് ട്രെയിനിങ്‌ അക്കാദമി, ചെന്നൈ (മദ്രാസ്) –- 124-ാമത് എസ്‌എസ്‌സി (പുരുഷ) (എൻ‌ടി) (യു‌പി‌എസ്‌സി) കോഴ്‌സ് 2026 ഒക്ടോബർ ബാച്ച്‌ 276, ഓഫീസേഴ്‌സ് ട്രെയിനിംഗ് അക്കാദമി, ചെന്നൈ (മദ്രാസ്) –- (2026 ഒക്ടോബർ 124-ാമത് എസ്‌എസ്‌സി വനിതാ (എൻ‌ടി) (യു‌പി‌എസ്‌സി) കോഴ്‌സ്) 19. യോഗ്യത: ചെന്നൈ ഐഎംഎ, ഓഫീസേഴ്‌സ് ട്രെയിനിങ്‌ അക്കാദമി — അംഗീകൃത സർവകലാശാലാ ബിരുദം അല്ലെങ്കിൽ തത്തുല്യം. ഇന്ത്യൻ നേവൽ അക്കാദമി: അംഗീകൃത സർവകലാശാലയിൽ നിന്നോ സ്ഥാപനത്തിൽ നിന്നോ എൻജിനിയറിങ്‌ ബിരുദം. എയർഫോഴ്‌സ് അക്കാദമി: അംഗീകൃത സർവകലാശാലാ ബിരുദം (10+2 തലത്തിൽ ഫിസിക്സും മാത്തമാറ്റിക്സും പഠിച്ച്) അല്ലെങ്കിൽ എൻജിനിയറിങ്‌ ബിരുദം. ആർമി/നാവികസേന/വ്യോമസേന സ്തികകളിലേക്ക് ഫസ്റ്റ് ചോയ്‌സ് ലഭിച്ച ബിരുദധാരികൾ എസ്എസ്ബിയിൽ എസ്എസ്ബി അഭിമുഖം ആരംഭിക്കുന്ന തീയതിയിൽ ബിരുദ/പ്രൊവിഷണൽ സർട്ടിഫിക്കറ്റുകളുടെ തെളിവ് സമർപ്പിക്കണം. അപേക്ഷ ഫീസ് : 200 രൂപ. സ്ത്രീകൾ/എസ്‌സി/എസ്ടി വിഭാഗത്തിന്‌ ഫീസില്ല. ഓൺലൈനായി അപേക്ഷിക്കാനുള്ള അവസാന തീയതി : ജൂൺ 17. യോഗ്യത, പ്രായപരിധി എന്നിവയടക്കമുള്ള വിശദവിവരങ്ങൾക്കും അപേക്ഷിക്കുന്നതിനും www.upsconline.nic.in കാണുക.

എൻഡിഎ II കര–നാവിക–വ്യോമ സേനകളിൽ കമീഷൻഡ് ഓഫിസർമാരായി സേവനം അനുഷ്‌ഠിക്കാൻ പരിശീലനം നൽകുന്ന എൻഡിഎ II (നാഷണൽ ഡിഫൻസ് അക്കാദമി & നേവൽ അക്കാദമി എക്സാമിനേഷൻ (II) 2025) പരീക്ഷയ്ക്ക് യുപിഎസ്‌സി വിജ്ഞാപനം പ്രഖ്യാപിച്ചു. കരസേന 208 (സ്ത്രീകൾ 10), നാവികസേന42 (സ്ത്രീകൾ 05 )ന്, വ്യോമസേന ഫ്ലൈയിങ് -92 (സ്ത്രീകൾ 02), ഗ്രൗണ്ട് ഡ്യൂട്ടി (ടെക്) –18 (സ്ത്രീകൾ 02), ഗ്രൗണ്ട് ഡ്യൂട്ടി (നോൺ ടെക്നിക്കൽ) – 10 (സ്ത്രീകൾ 02 ഉൾപ്പെടെ), നാവിക അക്കാദമി ( 36 (സ്ത്രീകൾ 04) എന്നിങ്ങനെയാണ്‌ അവസരം. 406 തസ്തികകളിലാണ്‌ നിയമനം യോഗ്യത: നാഷണൽ ഡിഫൻസ് അക്കാദമി ആർമി വിഭാഗത്തിന് : 10+2 പാറ്റേണിൽ പന്ത്രണ്ടാം ക്ലാസ് ജയം അല്ലെങ്കിൽ തത്തുല്യം. നാഷണൽ ഡിഫൻസ് അക്കാദമിയിലെ വ്യോമസേന, നാവിക വിഭാഗങ്ങൾക്കും ഇന്ത്യൻ നാവിക അക്കാദമിയിലെ 10+2 കേഡറ്റ് എൻട്രി സ്കീമിനും : സ്കൂൾ വിദ്യാഭ്യാസത്തിന്റെ 10+2 പാറ്റേണിൽ ഫിസിക്സ്, കെമിസ്ട്രി, മാത്തമാറ്റിക്സ് എന്നിവയുമായി പന്ത്രണ്ടാം ക്ലാസ് ജയം അല്ലെങ്കിൽ തത്തുല്യം. 2007 ജനുവരി 1- ന് മുമ്പോ 2010 ജനുവരി 1- ന് ശേഷമോ ജനിച്ച അവിവാഹിതർക്ക്‌ അപേക്ഷിക്കാം. അപേക്ഷാ ഫീസ്: 100 രൂപ. സംവരണവിഭാഗത്തിന്‌ ഫീസില്ല. ഓൺലൈനായി അപേക്ഷിക്കാനുള്ള അവസാന തീയതി : ജൂൺ 17-. വെബ്‌സൈറ്റ്‌: www.upsconline.nic.in.