വാ​ഗാ അതിർത്തി അടച്ചു; പാകിസ്ഥാനിൽ ഇന്ത്യൻ ഗാനങ്ങൾക്കും വിലക്ക്

പെഷവാർ : ഇന്ത്യൻ ഗാനങ്ങൾ എഫ്എം റേഡിയോ സ്റ്റേഷനുകൾ വഴി കേൾപ്പിക്കുന്നത് നിരോധിച്ച് പാകിസ്ഥാൻ. പാകിസ്ഥാൻ ബ്രോഡ്കാസ്റ്റേഴ്‌സ് അസോസിയേഷന്റേതാണ് ഉത്തരവ്. സംഘർ‌ഷം നിലനിൽക്കുന്നതിനാലാണ് തീരുമാനമെന്ന് പാകിസ്ഥാൻ ബ്രോ‍ഡ്‌കാസ്റ്റേഴ്‌സ് അസോസിയേഷൻ അറിയിച്ചു. ഇന്ത്യയിൽ നിന്നെത്തുന്ന പൗരന്മാരെ സ്വീകരിക്കുകയില്ലെന്നും പാകിസ്ഥാൻ അറിയിച്ചു. വാഗ അതിർത്തിയും അടച്ചു.

എന്നാൽ അട്ടാരി അതിർത്തി വഴി പാക് പൗരന്മാരെ കടത്തിവിടുന്നത് ഇന്ത്യ തുടരുകയാണ്. ഏപ്രിൽ 30 മുതൽ അതിർത്തി അടച്ചിടുമെന്ന് കേന്ദ്ര സർക്കാർ പ്രഖ്യാപിച്ചിരുന്നെങ്കിലും അറിയിപ്പ് ഉണ്ടാകുന്നതുവരെ പാക് പൗരന്മാർക്ക് അതിർത്തി കടക്കാനുള്ള അനുമതി നൽകിയിട്ടുണ്ട്.