ആൽപ്‌സ്‌ പർവതനിരകളിൽ മഞ്ഞുവീഴ്‌ച; 3 മരണം

റോം: ആൽപ്‌സ്‌പർവതനിരകളിൽ മഞ്ഞുവീഴ്‌ച. മൂന്നുപേർ മരിച്ചു. വടക്കൻ ഇറ്റലിയുടെ ചില ഭാഗങ്ങളിൽ വീശിയടിച്ച കൊടുങ്കാറ്റിനെതുടർന്ന്‌ ആൽപ്‌സ് പർവതനിരകളിൽ നിന്ന്‌ മഞ്ഞുവീണു. മഞ്ഞ് വീഴ്‌ചയെത്തുടർന്ന്‌ സ്കീയിംഗ് ഏരിയകൾ അടച്ചു, ഗതാഗതം നിർത്തലാക്കി. രക്ഷാപ്രവർത്തനത്തിൽ സഹായിക്കാൻ പോയ രണ്ട് പേരെയാണ്‌ വെള്ളിയാഴ്ച മരിച്ച നിലയിൽ കണ്ടെത്തിയത്‌. കൊടുങ്കാറ്റിൽ ഫ്രാൻസ്, ഇറ്റലി, സ്വിറ്റ്സർലൻഡ് എന്നിവിടങ്ങളിലെ റോഡുകൾ അടയ്ക്കുകയും ട്രെയിനുകൾ നിർത്തിവക്കുകയും ചെയ്‌തിരുന്നു. ആൽപ്സ് പർവതനിരകളിൽ ഏപ്രിലിൽ മഞ്ഞ് വീഴ്‌ച സാധാരണമാണ്‌.