ഇറ്റലിയിൽ വിമാനം റോഡിലേക്ക് ഇടിച്ചിറങ്ങി; 2 പേർ കൊല്ലപ്പെട്ടു

റോം: ഇറ്റലിയിലെ ബ്രെസിയയിൽ തിരക്കേറിയ റോഡിലേക്ക് ചെറു വിമാനം ഇടിച്ചിറങ്ങി രണ്ടു പേർ മരിച്ചു. A21 കോർഡമോൾ - ഓസ്പിറ്റേൽ ഹൈവേയിലാണ് ചെറു വിമാനം ഇടിച്ചിറങ്ങിയത്.

തുടർന്ന് വിമാനം പൊട്ടിത്തെറിക്കുകയായിരുന്നു. ഇടിയുടെ ആഘാതത്തിൽ രണ്ട് കാറുകൾക്ക് തീപിടിച്ചു. ഒരു ഡ്രൈവർക്ക് ഗുരുതരമായി പരിക്കേറ്റു. അപകടത്തിന്റെ സിസിടിവി ദൃശ്യങ്ങൾ പുറത്തു വന്നിട്ടുണ്ട്.