ഗ്രീൻ കാർഡ് വാഗ്ദാനം ചെയ്ത് ലൈംഗികമായി പീഡിപ്പിച്ചു; യുഎസ് ഇമിഗ്രേഷൻ ഉദ്യോഗസ്ഥനെതിരെ ലബനീസ് വനിത

വാഷിങ്ടൺ : ലൈംഗികബന്ധത്തിന് വഴങ്ങിയാൽ ഗ്രീൻ കാർഡ് നൽകാമെന്ന് വാഗ്ദാനം ചെയ്ത് ഇമിഗ്രേഷൻ ആൻഡ് കസ്റ്റംസ് എൻഫോഴ്സ്മെന്റ് ഉദ്യോഗസ്ഥൻ തന്നെ പീഡിപ്പിച്ചുവെന്ന് ലബനീസ് വനിത. ടെക്സസിലെ കരുതൽ കേന്ദ്രത്തിലെ ഉദ്യോഗസ്ഥനാണ് പീഡിപ്പിച്ചതെന്ന് 21 കാരി പറഞ്ഞു.
യുഎസിലെ ന്യൂസ് വീക്ക് എന്ന മാധ്യമത്തിന് നൽകിയ അഭിമുഖത്തിലാണ് യുവതി ഇക്കാര്യം വെളിപ്പെടുത്തിയത്. റെയ്മണ്ട്വില്ലിലെ എൽ വാലെ ഡിറ്റൻഷൻ ഫെസിലിറ്റിയിലെ ഉദ്യോഗസ്ഥനായ മാർക്കെൽ വാലസ് സമ്മതമില്ലാതെ തന്നെ പീഡിപ്പിച്ചതെന്നും യുവതി പറഞ്ഞു.
യുവതിയുടെ പ്രായമായ ഭർത്താവിന് തന്നെ ഒന്നും ചെയ്യാൻ കഴിയില്ലെന്നും വഴങ്ങിയില്ലെങ്കിൽ ഭർത്താവിനെ ജയിലിലിടയ്ക്കുമെന്നും ഉദ്യോഗസ്ഥൻ ഭീഷണിപ്പെടുത്തിയതായി യുവതി പറയുന്നു. എന്നാൽ യുവതിയുടെ ആരോപണം അമേരിക്കൻ അധികൃതർ പൂർണമായി തള്ളുകയായിരുന്നു.








0 comments