എബോള; കോം​ഗോയിൽ രോഗബാധിതര്‍ 956 ആയി, കേസുകൾ കൂടാന്‍ സാധ്യതയെന്ന് ആരോഗ്യമന്ത്രാലയം

കിൻഷസ : ഡെമോക്രാറ്റിക് റിപ്പബ്ലിക് ഓഫ് കോം​ഗോയിൽ എബോള വൈറസ് ബാധിച്ചവരുടെ എണ്ണം 956 ആയി ഉയർന്നു. 247 എബോള ബാധിത മരണങ്ങളുൾപ്പെടെയാണിത്.

നിലവിലെ എബോള വ്യാപനത്തിൽ 75 ആരോ​ഗ്യപ്രവർത്തകർക്ക് രോ​ഗം സ്ഥിരീകരിച്ചുവെന്നും അതിൽ 17 പേർ മരിച്ചുവെന്നും കോം​ഗോ ആരോ​ഗ്യമന്ത്രാലയം പുറത്തിറക്കിയ പ്രസ്താവനയിൽ പറയുന്നു. ഇട്ടൂരി, കോർത്ത് കെവു പ്രവിശ്യകളിൽ വെള്ളിയാഴ്ച മാത്രം 23 പുതിയ കേസുകളും രണ്ട് മരണങ്ങളും റിപ്പോർട്ട് ചെയ്തു. രോ​ഗവ്യാപനത്തിന്റെ 91 ശതമാനവും ഇട്ടൂരിയെ കേന്ദ്രീകരിച്ചാണ്. കൂടുതൽ സ്ഥിരീകരണ കേസുകൾ പ്രതീക്ഷിക്കാമെന്നും രോ​ഗബാധ ഇപ്പോഴും ഉയർന്നുകൊണ്ടിരിക്കുകയാണെന്നും ഡിആർ കോം​ഗോ ആരോ​ഗ്യവകുപ്പ് മന്ത്രി അറിയിച്ചു.