ഓസ്‌ട്രേലിയയിൽ കുട്ടികളുടെ അശ്ലീല വീഡിയോ ശേഖരം; നാല് പേർ പിടിയിൽ

സി‍ഡ്നി: ഓസ്‌ട്രേലിയയിലെ സിഡ്‌നിയിൽ പിടികൂടിയ അധോലോക സംഘത്തിന്റെ കയ്യിൽ നിന്ന് ലഭിച്ചത് കുട്ടികളെ ലൈംഗികമായി ദുരുപയോഗം ചെയ്യുന്നതിന്റെ ആയിരക്കണക്കിന് വീഡിയോകൾ. സാത്താനിക് ഗ്യാങ് എന്നറിയപ്പെടുന്ന സംഘത്തിന്റെ കയ്യിൽ നിന്നാണ് 12 വയസ്സ് വരെയുള്ള കുട്ടികളെ മൃഗീയമായി പീഡിപ്പിക്കുന്നതിന്റെ ദൃശ്യങ്ങൾ പൊലീസ് കണ്ടെത്തിയത്. സംഘത്തിന് രാജ്യാന്തര ബന്ധമുണ്ടെന്ന് പ്രാദേശിക മാധ്യമങ്ങൾ റിപ്പോർ‌ട്ട് ചെയ്തു.

അശ്ലീല വീഡിയോ നിർമാണ റാക്കറ്റുമായി ബന്ധമുള്ള നാല് പുരുഷന്മാരാണ് അറസ്റ്റിലായിരിക്കുന്നത്. ന്യൂ സൗത്ത് വെയിൽസ് സ്റ്റേറ്റ് പൊലീസിലെ ഡിറ്റക്ടീവുകളാണ് രാജ്യാന്തര ശൃംഖലയുടെ നീക്കങ്ങൾ ആദ്യം തിരിച്ചറിഞ്ഞത്. ഇവരുടെ വെബ്‌സൈറ്റ് ലോകത്തിലെ വിവിധ രാജ്യങ്ങളിൽ നിന്നുള്ളവർ സന്ദർശിക്കാറുണ്ട് എന്നാണ് വിവരം. മൃഗീയമായ വീഡിയോകളാണ് സംഘം സൂക്ഷിച്ചിരുന്നത്.

വീഡിയോയിൽ കണ്ട ഇരകളാക്കപ്പെട്ട കുട്ടികളെ എത്രയും വേഗം കണ്ടെത്താനും ഇവരെ ഉടൻ തന്നെ റാക്കറ്റിന്റെ കൈയിൽ നിന്ന് രക്ഷപ്പെടുത്താനു‌മുള്ള നീക്കം ആരംഭിച്ചിരിക്കുകയാണെന്ന് പൊലീസ്. കേസിൽ കൂടുതൽ അറസ്റ്റ് നടക്കുമെന്നും ഓസ്ട്രേലിയൻ പൊലീസ് അറിയിച്ചു.