അറിവിന്റെ വെളിച്ചം സമൂഹത്തെ പുരോഗതിയിലേക്ക് നയിക്കും: പിണറായി വിജയൻ

തിരുവനന്തപുരം: മഹാനവമി - വിജയദശമി ആശംസകൾ നേർന്ന് പ്രതിപക്ഷ നേതാവ് പിണറായി വിജയൻ. അറിവിന്റെ വെളിച്ചമാണ് സമൂഹത്തെ പുരോഗതിയിലേക്ക് നയിക്കുന്നത്. അജ്ഞാനത്തിന്റെയും അന്ധവിശ്വാസങ്ങളുടെയും ഇരുട്ടിനെ മറികടന്ന് യുക്തിചിന്തയുടെയും മാനവികതയുടെയും പാതയിലൂടെ മുന്നേറാൻ വിദ്യാഭ്യാസം കരുത്തുപകരുന്നു.

ഓരോ കുഞ്ഞിനും മികച്ച വിദ്യാഭ്യാസവും തുല്യമായ അവസരങ്ങളും ലഭിക്കുന്ന, അറിവിനും ശാസ്ത്രബോധത്തിനും മാനവികതയ്ക്കും പ്രാധാന്യം നൽകുന്ന ഒരു സമൂഹത്തെ വാർത്തെടുക്കാൻ നമുക്ക് സാധിക്കണമെന്ന് പിണറായി വിജയൻ കുറിച്ചു.

അറിവിന്റെ വെളിച്ചം എല്ലാവരിലേക്കും പകരട്ടെ. പുതിയ പ്രതീക്ഷകളുടെയും ഉയർന്ന സ്വപ്നങ്ങളുടെയും തുടക്കമാകട്ടെ ഈ വിദ്യാരംഭ ദിനം. അക്ഷരങ്ങളുടെയും അറിവിന്റെയും ലോകത്തേക്ക് ആദ്യ ചുവടുവെക്കുന്ന കുരുന്നുകൾക്ക് അദ്ദേഹം ആശംസകൾ നേർന്നു.