അഫ്ഗാനിസ്ഥാനിൽ ഭൂചലനം: 5.9 തീവ്രത രേഖപ്പെടുത്തി; ഡൽഹിയിലും പ്രകമ്പനം

കാബൂൾ : അഫ്​ഗാനിസ്ഥാനിൽ ഭൂചലനം. 5.9 തീവ്രത രേഖപ്പെടുത്തിയ ശക്തിയേറിയ ഭൂചലനമാണ് തിങ്കളാഴ്ച പുലർച്ചെ അനുഭവപ്പെട്ടത്. അഫ്​ഗാനിലെ ഹിന്ദു കുഷ് ആണ് ഭൂകമ്പത്തിന്റെ പ്രഭവകേന്ദ്രമെന്ന് നാഷണൽ സെന്റർ ഫോർ സീസ്മോളജി പറഞ്ഞു. 75 കിലോമീറ്റർ ആഴത്തിലാണ് പ്രഭവകേന്ദ്രം. മറ്റ് നാശനഷ്ടങ്ങളോ ആളപായമോ റിപ്പോർട്ട് ചെയ്യപ്പെട്ടിട്ടില്ല. ഡൽഹിയിലും ഭൂചലനത്തിന്റെ പ്രകമ്പനം അനുഭവപ്പെട്ടതായി മാധ്യമങ്ങൾ റിപ്പോർട്ട് ചെയ്തു.