അധികാരത്തിലെത്തിയാൽ മുസ്ലിം എംഎൽഎമാരെ പുറത്താക്കും: വിവാദ പരാമർശവുമായി ബിജെപി നേതാവ് സുവേന്ദു അധികാരി

കൊൽക്കത്ത : പശ്ചിമ ബം​ഗാളിൽ ബിജെപി അധികാരത്തിലെത്തിയാൽ മുസ്ലിം എംഎൽഎമാരെ നിയമസഭയിൽ നിന്നും പുറത്താക്കുമെന്ന് ബിജെപി നേതാവ് സുവേന്ദു അധികാരി. ശാരീരികമായി ബലം പ്രയോ​ഗിച്ചുതന്നെ മുസ്ലിം എംഎൽഎമാരെ പുറത്താക്കുമെന്നാണ് സുവേന്ദു അധികാരി പറഞ്ഞത്. മുസ്ലീം ലീഗിന്റെ മറ്റൊരു പതിപ്പാണ് മമത സർക്കാരെന്നും മമതയുടെ വർ​ഗീയ ഭരണകൂടത്തെ ബംഗാളിലെ ജനങ്ങൾ തോൽപ്പിക്കുമെന്നും സുവേന്ദു അധികാരി പറഞ്ഞു. അധികാരിയുടെ പ്രസ്താവന ഏറെ വിവാദമായി.

സുവേന്ദു അധികാരിയുടേത് വിദ്വേഷ പ്രസം​ഗമാണെന്നും ബിജെപി നേതാവിന്റെ മാനസിക നില പരിശോധിക്കണമെന്നും തൃണമൂൽ കോൺ​ഗ്രസ് പറഞ്ഞു.